ގޯތި ދިނުމަށް ޓަކައި ހުޅުމާލޭންނާއި ދިޔަނެރު ފަޅު އަދި ތިލަފުށިން ބޭނުންވާ ބިން ހިއްކުމަށް ސްރީ ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕަނީ ޕްރައިވެޓް ލިމިޓެޑް (ސީއެމްސީ)އާ މިއަދު ހަވާލުކޮށްފިއެވެ.

ސީއެމްސީއަކީ ތިލަފުށި ހިއްކުމުގެ މަސައްކަތް ކުރަމުން އަންނަ ކުންފުންޏެވެ.

އާބަންކޯއިން ބުނީ ސީއެމްސީއާ ހަވާލުކޮށްގެން ބިން ހިއްކުމުގެ މަސައްކަތްތައް މިހާރު ފަށާފައިވާ ކަމަށެވެ. މި މަޝްރޫއުގެ ދަށުން ހުޅުމާލެ ފޭސް ތިނަކުން 62.6 ހެކްޓަރު، ދިޔަނެރުން 24.6 ހެކްޓަރު އަދި ތިލަފުށި އޭރިއާ ޑީއިން 9.6 ހެކްޓަރު ހިއްކުމަށް ހަމަޖެހިފައިވާ ކަމަށްވެސް ބުންޏެވެ.

އާބަންކޯއިން ބުނީ، މި މަޝްރޫއުގެ ސަބަބުން ގެދޮރުވެރިކަމުގެ ބޭނުންތަކާއި އިންޑްސްޓްރިއަލް ބޭނުންތަކާއި މެރީނާގެ ބޭނުންތައް ފުއްދުމަށް ވަރަށް ބޮޑު އެހީއަކަށް ވެގެންދާނެ ކަމަށެވެ.

  • 4000 އަކަފޫޓުގެ 24 ގޯތި
  • 3650 އަކަފޫޓުގެ 16 ގޯތި
  • 3250 އަކަފޫޓުގެ 43 ގޯތި
  • 2850 އަކަފޫޓުގެ 61 ގޯތި
  • 2450 އަކަފޫޓުގެ 132 ގޯތި
  • 2060 އަކަފޫޓުގެ 243 ގޯތި
  • 1650 އަކަފޫޓުގެ 181 ގޯތި