ސާފް ޗެމްޕިއަންޝިޕް 2023ގެ ހަތްވަނަ މެޗުގައި ރާއްޖެއާއި ބަންގްލަދޭޝް ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް"ގެ ކިޔުންތެރިންނަށް މަރުހަބާ!

މިއަދުގެ މެޗަށް ނުކުންނަ އިރު، ބަންގްލަދޭޝް އޮތީ ކުޅުނު ފުރަތަމަ މެޗުގައި ލުބުނާން ކައިރިން 2-0 އިން ބަލިވެފައި. ރާއްޖެ އޮތީ ކުޅުނު ފުރަތަމަ މެޗުގައި 2-0 އިން ބޫޓާން ބަލިކޮށްފައި. ބަންގްލަދޭޝްއަށް މިއީ މަރުގެ މެޗެއް. މިއަދު ބަލިވެއްޖެނަމަ، އެޓީމަށް ސެމީގެ ފުރުސަތެއް ހޯދަން އޮންނާނީ ހަނި ފުރުސަތެއް. އަމިއްލަ ބާރު ގެއްލޭނެ.

ބަންގްލަދޭޝްއަކީ ވަރަށް ވަރުގަދަ ޓީމެއް. ހާއްސަކޮށް ފިޒިކަލީ ވަރަށް ވަރުގަދަ ޓީމެއް. އެޓީމުން އެންމެފަހުން ކުޅުނު މެޗުގައިވެސް ވަރަށް ރަނގަޅު، އޯގަނައިޒް ފުޓުބޯޅައެއް ކުޅުނު. އެމީހުން ބުރަކޮށްވެސް މަސައްކަތް ކުރާނެ (މިއަދު)ގެ މެޗުގައި. އެއީ އެމީހުންނަށް މި މެޗަކީ ފައިނަލް މެޗަކަށްވާތީ. އަހަރެމެން މި ވިސްނަނީ މެޗަކަށްފަހު މެޗަކަށް. ބޫޓާން މެޗު މިހާރު އޮތީ ނިމިފަ. އެއީ އަހަރެމެންނަށް ރަނގަޅު ތިން ޕޮއިންޓް. އަހަރެމެން މޮޅަކުން ފެށުން އެއީ ރަނގަޅެއް. އެއީ މުބާރާތެއްގައި ވަރަށް މުހިއްމު ކަމެއް. އަހަރެމެން ދެން ކުރަން ޖެހޭ ކަމަކީ ބަންގްލަދޭޝްއާ ދެކޮޅަށްވެސް ކުޅެ، މޮޅުވުން. އަހަރެމެންގެ ގޭމް ކުޅުން. އަހަރެމެން ނުކުންނާނީ އިދިކޮޅު ޓީމަށް ވަރަށް ބޮޑަށް އިހުތިރާމް ކޮށްގެން. ދިވެހި ހުރިހާ ކުޅުންތެރިންވެސް ތިބީ ފިޓްކޮށް.

އަހަރެމެން އެބަޖެހޭ ރަނގަޅަށް ފަހަތުން ބިލްޑްއަޕް ކޮށްގެން ކުޅެން. އަބަދު ކައުންޓާގައި ކުޅޭ ނަމަ މެޗުގެ 60، ނޫނީ 70 ވަނަ މިނެޓާ ހަމައަށްދާއިރު ކުޅުންތެރިންނަށް ވަރުބަލިކަން އިހުސާސްކުރެވޭ. އަހަރެން ގަބޫލުކުރަން އަހަރެމެން ގިނައިރު ބޯޅަ ހިފަހައްޓައި، ރަނގަޅު ފުރުސަތުތައް ތަނަވަސްކުރަންޖެހޭ ކަމަށް. އަހަރެމެންނަށް އެނގޭ ރާއްޖޭގެ ފޯވަޑް ލައިނަކީ ފެންވަރު ރަނގަޅު ފޯވަޑް ލައިނެއްކަން. އެހެންވީމަ އަހަރެން މިސްޓޭކުތައް މަދުކުރަންޖެހޭ. އެހެންނަމަވެސް އަހަރެމެންގެ ރަނގަޅު ފަޅިއަށް ވިސްނަންޖެހޭ. އަހަރެމެންނަށް ލުބުނާން ކައިރީގައިވެސް ރަނގަޅު ފުރުސަތުތަކެއް ތަނަސްކުރެވުނު. މަދުވީ ގޯލެއް. އެކަމަކު އެކަމަށް ހަމައެކަނި ފޯވަޑުންނަށް އެއްޗެހި ނުގޮވޭނެ. މިއީ ޓީމެއް.

  • ބަންގްލަދޭޝްއާއި ރާއްޖެ މިހާތަނަށް 15 މެޗެއް ކުޅެފައިވޭ
  • އޭގެ ތެރެއިން ރާއްޖެއިން މޮޅުވީ ހަ މެޗެއްގައި، އަދި ބަންގްލަދޭޝް ވެސް މޮޅުވީ ހަ މެޗަކުން
  • އަނެއް ތިން މެޗު ނިމުނީ އެއްވަރުވެގެން
  • އެންމެފަހުން ސާފް ޗެމްޕިއަންޝިޕްގައި ރާއްޖެއާއި ބަންގްލަދޭޝް ވާދަކުރީ 2021 ވަނަ އަހަރު ރާއްޖޭގައި
  • އެ މެޗުން ރާއްޖެ މޮޅުވީ 2-0 ގެ ނަތީޖާއަކުން
  • ރާއްޖެއާއި ބަންގްލަދޭޝް އެންމެފަހުން ކުޅުނު މެޗަކީ އެކުވެރިކަމުގެ މެޗެއް
  • އެ މެޗުންވެސް މޮޅުވީ ރާއްޖެ، އެއީ 2-0 ގެ ނަތީޖާއަކުން