ސާފް ޗެމްޕިއަންޝިޕް 2023ގެ ހަވަނަ މެޗުގައި އިންޑިއާއާއި ނޭޕާލް ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް"ގެ ކިޔުންތެރިންނަށް މަރުހަބާ!

މި ދެ ޓީމުން ކުޅެމުންދަނީ މުބާރާތުގެ ގްރޫޕް އޭގައި. އެ ގްރޫޕްގައި ނޭޕާލުން ފުރަތަމަ ކުޅުނު މެޗުގައި ކުވައިތު ކައިރިން ބަލިވީ 3-1 ގެ ނަތީޖާއަކުން. އަދި އިންޑިއާއިން ވަނީ ކުޅުނު ފުރަތަމަ މެޗުގައި 4-0 އިން ޕާކިސްތާން ބަލިކޮށްފައި. ކުވައިތުން މިއަދު ހަވީރު ކުޅުނު މެޗުގައި ޕާކިސްތާން ބަލިކޮށްފައި އޮތުމުން، މިރޭގެ މެޗުން މޮޅުވާން ނޭޕާލަށް މަޖުބޫރު. އިންޑިއާއަށް މެޗުން މޮޅުވެ ސެމީ ޔަގީން ކުރެވޭނެ.

  • މި ދެ ޓީމަކީ ރާއްޖޭގައި އޮތް 2021 ވަނަ އަހަރުގެ ސާފް ޗެމްޕިއަންޝިޕް ފައިނަލުގައި ކުޅުނު ދެ ޓީމު
  • އެ މެޗު ކާމިޔާބުކޮށް ތަށި ނެގީ އިންޑިއާއިން
  • ދެ ގައުމުން މިހާތަނަށް 23 މެޗެއްގައި ކުޅެފައިވޭ
  • އޭގެ ތެރެއިން 16 މެޗުން މޮޅުވީ އިންޑިއާ
  • ނޭޕާލަށް މޮޅުވެވުނީ ދެ މެޗުން