ސާފް ޗެމްޕިއަންޝިޕް 2023ގެ ދެވަނަ މެޗުގައި އިންޑިއާއާއި ޕާކިސްތާން ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް" ގެ ކިޔުންތެރިންނަށް މަރުހަބާ!

މިފަހަރުގެ ސާފް ޗެމްޕިއަންޝިޕް އިންޑިއާގެ ބެންގަލޫރުގައި ކުރިއަށްދަނީ ޖުމުލަ އަށް ޓީމާއެކު. އެއީ ސަރަހައްދީ ހަ ޓީމާއި ދައުވަތު އެރުވިގެން މުބާރާތުގައި ވާދަކުރާ މެދުއިރުމަތީގެ ދެޓީމާއެކު. ސަރަހައްދީ ގައުމުތަކުގެ ތެރެއިން މުބާރާތުގައި ވާދަކުރަނީ ނޭޕާލް، އިންޑިއާ، ޕާކިސްތާން، ބަންގްލަދޭޝް، ބޫޓާންގެ އިތުރުން ރާއްޖެ. ސަރަހައްދުން ބޭރުން މުބާރާތުގައި ވާދަކުރަނީ ކުވައިތާއި ލުބުނާން.

ގްރޫޕް އޭގައި ވާދަކުރަނީ އިންޑިއާއާއި ޕާކިސްތާނުގެ އިތުރުން ނޭޕާލާއި ކުވައިތު. މިއީ ވާދަވެރި މެޗެއް. އެއީ އިންޑިއާއާއި ޕާކިސްތާނަކީ ޒަމާންވީ ވާދަވެރި ދެގައުމަށް ވާތީ.