މާލޭގެ މަގުމަތިން ވަޅިން ބިރު ދައްކައި މީހެއްގެ ފޯނު ފޭރިގަތް އަންހެނަކު ހައްޔަރުކޮށްފިއެވެ.

އެ މައްސަލައިގައި ތުހުމަތަށް ފުލުހުން ހައްޔަރުކޮށްފައިވަނީ ގދ. ވާދޫ، ބުރުނީގެ، ޝާނާ މުހައްމަދު ޖުނައިދު (26އ) އެވެ.

ފުލުހުން ރޭ ބުނީ އެ އަންހެން މީހާ ހައްޔަރުކޮށްފައިވަނީ އިއްޔެގެ ވަގުތެއްގައި ކަމަށެވެ.

އޭނާ ހައްޔަރު ކުރުމަށްފަހު މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.