ސޮނީ ސްޕޯޓްސް ގޯލްޑަން ފުޓްސަލް ޗެލެންޖް 2023ގެ ފައިނަލް: ގަން 8-4 ވާދޫ (ފުލްޓައިމް)

މުބާރާތުގެ ޗެމްޕިއަން، ލ. ގަމަށް ފައިސާގެ އިނާމުގެ ގޮތުގައި 65،000 ރުފިޔާ.

މުބާރާތުގެ ރަނަރަޕް، ގދ. ވާދުއަށް ފައިސާގެ އިނާމުގެ ގޮތުގައި 25،000 ރުފިޔާ.

ކިންގް އޮފް ދަ ޓޯނަމެންޓް:

އެންމެ މޮޅު ފަސް ކުޅުންތެރިން:

މެޗުގެ ދެވަނަ ހާފުގެ ކުޅުން ނިންމާލައިފި. ގަމުން ޗެމްޕިއަންކަން ހޯދީ 8-4 ގެ ނަތީޖާއަކުން ވާދޫ ބަލިކޮށްގެން.

ގަމުގެ އަށްވަނަ ގޯލު. އޮންލީ ދިން ބޯޅައަކުން ގަމަށް އެ ގޯލު ކާމިޔާބުކޮށްދިނީ ތޮއްޕެ. އެ ގޯލާއެކު އޭނާގެ ހެޓްރިކް ވަނީ ފުރިހަމަފައި.

ވާދުއަށް ހުސް ފުރުސަތެއް. އޭރިއާ ތެރޭ ހުސްކޮށް ހުރެ އިޔާދު ފޮނުވާލި ހަމަލާ، ގަމުގެ ކީޕަރު ލުފްސާން ވަނީ ހުޝިޔާރުކަމާއެކު މަތަކޮށްފައި.

ގަމުގެ ހަތްވަނަ ގޯލު. ތޮއްޕެ ދިން ބޯޅައަކުން ގަމަށް އެ ގޯލު ކާމިޔާބުކޮށްދިނީ އަބްދުﷲ ޖުނައިދު (ޖެންނޭ).

ގަމަށް ހުސް ފުރުސަތެއް. ހުސްކޮށް ހުރެ ކުރިއަށް އަރައި، އޭރިއާ ބޭރުން އައްމަޑޭ ފޮނުވާލި ހަމަލާ، ވާދޫގެ ކީޕަރު ޒައިދާން ވަނީ މަތަކޮށްފައި.

ގަމުގެ ނުރައްކާތެރި ހަމަލާއެއް. ޕެނަލްޓީ އޭރިޔާ ބޭރުން ޖެންނޭ ފޮނުވާލި ބާރު ހަމަލާ ދިޔައީ ވާދޫ ގޯލުގެ އަރިމަތީ ދަނޑިކައިރިން ބޭރަށް.

ވާދޫން ގޯލެއް ޖަހައި، ފަރަގު ކުޑަކޮށްފި. އަޔާ ދިން ރީތި ބޯޅައަކުން ވާދުއަށް އެ ގޯލު ކާމިޔާބުކޮށްދިނީ ނާއިލް. އޭނާ ފޮނުވާލި ހަމަލާ އަމާޒުކޮށްލީ ގަމު ގޯލުގެ ތިރީ ކަނަކަށް. އެ ގޯލާއެކު ނާއިލް ވަނީ އޭނާގެ ހެޓްރިކް ފުރިހަމަކޮށްފައި.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 6-3 ގެ ނަތީޖާއަކުން ގަން ކުރީގައި އޮވެގެން. ފުރަތަމަ ހާފުގައި ދެ ޓީމުގެ ފަރާތުން ވެސް ގިނަ ފައުލުތަކެއް ފެނި، ދުރު ޕެނަލްޓީތަކެއް ފެނިގެންދިޔަ. ވާދޫން ދިހަ ފައުލް ކުރި އިރު، ގަމުން ހަތް ފައުލެއް ކުރި.

ވާދޫގެ ފައުލަކާއެކު ގަމަށް ވެސް ދުރު ޕެނަލްޓީއެއް. ވާދޫގެ ހަވަނަ ފައުލް، ގަމުގެ ފަސްވަނަ ދުރު ޕެނަލްޓީ. އޮންލީ ފޮނުވާލި ޕެނަލްޓީ، ވާދޫގެ ކީޕަރު ޒައިދާން ވަނީ މަތަކޮށްފައި.

އައްމަޑޭ ކުރި ފައުލަކާ ގުޅިގެން ވާދުއަށް ދުރު ޕެނަލްޓީއެއް. ވާދުއަށް އެ ޕެނަލްޓީ ކާމިޔާބުކޮށްދިނީ އެޓީމުގެ ފުރަތަމަ ޕެނަލްޓީ ވެސް ކާމިޔާބުކޮށްދިން ނާއިލް.

ތޮއްޕެއަށް އަހުމަދު ޝައިހާން ޖަލީލް ކުރި ފައުލަކާ ގުޅިގެން ގަމަށް ޕެނަލްޓީއެއް. މިއީ ގަމަށް ލިބުނު ފަސްވަނަ ޕެނަލްޓީ. އައްމަޑޭ ފޮނުވާލި ޕެނަލްޓީ، ކީޕަރު ޒައިދާން ވަނީ މަތަކޮށްފައި. ރީބައުންސް ބޯޅައިން ގަމުގެ ޖެންނޭ ދެ ހަމަލާއެއް ފޮނުވާލި. އޭނާގެ ފުރަތަމަ ހަމަލާ، ގޯލުގެ އަރިމަތީ ދަނޑިއަށް އަމާޒުވި އިރު، އޭނާގެ ދެވަނަ ހަމަލާ، ކީޕަރު ޒައިދާން ވަނީ މަތަކޮށްފައި.

ގަމުގެ ހަވަނަ ފައުލާއެކު ވާދުއަށް ޕެނަލްޓީއެއް. ބާރު ހަމަލާއަކުން ވާދޫގެ ޕެނަލްޓީ ކާމިޔާބުކޮށްދިނީ މުހައްމަދު ނާއިލް. މިއީ ވާދޫގެ ދެވަނަ ގޯލު.

ގަމު ޓީމުގެ ހަވަނަ ގޯލު. އޭރިއާ ބޭރުން ފޮނުވާލި ހަމަލާއަކުން ގަމަށް އެ ގޯލު ކާމިޔާބުކޮށްދިނީ ތޮއްޕެ. އޭނާ ފޮނުވާލި ހަމަލާ އަމާޒުވީ ވާދޫ ގޯލުގެ ތިރީ ކަނަކަށް.

ގަމަށް ހަތަރުވަނަ ދުރު ޕެނަލްޓީ. އެ ޕެނަލްޓީ ލިބުނީ ނާޝިދަށް ގަމުގެ އަޔާ ކުރި ފައުލާ ގުޅިގެން. މިއީ ވާދޫގެ ނުވަވަނަ ފައުލް. އައްމަޑޭ މިފަހަރު ފޮނުވާލި ޕެނަލްޓީ، ވާދޫގެ ގޯލާ އަމާޒުވެފައެއް ނުވޭ.

ފައްވާޒަށް ކުރި ފައުލަކާ ގުޅިގެން ވާދޫގެ އިޔާދަށް ރީނދޫ ކާޑެއް. ވާދޫން ކުރި އަށްވަނަ ފައުލާއެކު، ގަމަށް އިތުރު ދުރު ޕެނަލްޓީއެއް. މިއީ ގަމަށް ލިބުނު ތިންވަނަ ޕެނަލްޓީ. އެ ޕެނަލްޓީ ކާމިޔާބުކޮށް، އައްމަޑޭ ވަނީ ހެޓްރިކެއް ފުރިހަމަކޮށްފައި.

ކައިރިކައިރީގައި ގަމު ކީޕަރު މުހައްމަދު ލުފްސާންގެ މޮޅު ދެ ސޭވްއެއް. ލުފްސާން ވަނީ ވާދޫ ކެޕްޓަން އަޔާ އާއި މުސައްނިފްގެ ހަމަލާއެއް ހުޝިޔާރުކަމާއެކު މަތަކޮށްފައި.

ވާދޫން ކުރި ހަތްވަނަ ފައުލާއެކު އަނެއްކާވެސް ގަމަށް ދުރު ޕެނަލްޓީއެއް. މިފަހަރުވެސް ޕެނަލްޓީ ކާމިޔާބުކޮށްދިނީ އައްމަޑޭ.

ވާދޫން ގޯލެއް ޖަހައި ފަރަގު ކުޑަކޮށްފި. މުސައްނިފް ދިން ބޯޅައަކުން ވާދުއަށް އެ ގޯލު ކާމިޔާބުކޮށްދިނީ މުހައްމަދު އިޔާދު އަލީ.

ބާރު ހަމަލާއަކުން އައްމަޑޭގެ ޕެނަލްޓީ ކާމިޔާބުކޮށް، ގަމުން ތިން ގޯލުގެ ލީޑެއް ހޯދައިފި.

އޮންލީއަށް ވާދޫގެ ކެޕްޓަން އަޔާ ކުރި ފައުލަކާ ގުޅިގެން، ވާދޫން ހަ ފައުލް ހަމަވެގެން ގަމަށް ދުރު ޕެނަލްޓީއެއް.

ގަމަށް އިތުރު ފުރުސަތެއް. ތޮއްޕެ ދުރުން ފޮނުވާލި ބާރު ހަމަލާ، ވާދޫގެ ކީޕަރު ޒައިދާން އަތުގައި ޖެހި ނުކުތުމާއެކު ލިބުނު ރީބައުންސް ބޯޅައިން ގަމުގެ ކެޕްޓަން އޮންލީ ފޮނުވާލި ހަމަލާ، ވާދޫގެ ގޯލާ އަމާޒުވެފައެއް ނުވޭ.

ގަމުގެ ނުރައްކާތެރި ހަމަލާއެއް. ރީތި ކުޅުމަކާއެކު ފައްވާޒް ދިން ބޯޅައަކުން އޭރިއާ ތެރޭ ހުސްކޮށް ހުރެ އަބްދުﷲ ޖުނައިދު (ޖެންނޭ) ފޮނުވާލި ހަމަލާ، ވާދޫގެ ކީޕަރު ޒައިދާން އަހުމަދު ވަނީ ހުޝިޔާރުކަމާއެކު މަތަކޮށްފައި.

ވާދޫގެ ހަމަލާއެއް. އޭރިއާ ބޭރުން ލިބުނު ބޯޅައަކުން އިޔާދު ފޮނުވާލި ހަމަލާ ދިޔައީ ގަމު ގޯލުގެ އަރިމަތީ ދަނޑިކައިރިން ބޭރަށް.

ގަމުން އިތުރު ގޯލެއް ޖަހައި ލީޑު ފުޅާކޮށްފި. އައްމަޑޭ ދިން ބޯޅައަކުން ގަމުގެ ދެވަނަ ގޯލު ކާމިޔާބުކޮށްދިނީ އަލީ ޝާމިސް (ތޮއްޕެ). އޭނާއަށް ބޯޅަ ލިބުނު އިރު، ހުރީ ވަރަށް ހުސްކޮށް.

ގަމަށް އިތުރު ފުރުސަތެއް. ތޮއްޕެ ފޮނުވާލި ބާރު ހަމަލާ، ވާދޫގެ ކީޕަރު ޒައިދާން ވަނީ މަތަކޮށްފައި.

ގަމުން ގޯލެއް ޖަހައި ލީޑު ހޯދައިފި. އަހުމަދު ހަލީމް (އައްމަޑޭ) ދިން ބޯޅައަކުން ގަމަށް އެ ގޯލު ކާމިޔާބުކޮށްދިނީ ހުސައިން ނާޝިދު.

ގަމުގެ ހަމަލާއެއް. އަރިމަތިން ގަމުގެ ތޮއްޕެ ފޮނުވާލި ހަމަލާ، ވާދޫ ޓީމުގެ އަޔާ ވަނީ ބްލޮކްކޮށްފައި.

ވާދޫގެ އަޔާ ފޮނުވާލި ހިލޭ ޖެހުން ގަމުގެ ގޯލާ އަމާޒުވެފައެއް ނުވޭ.

ވާދޫގެ ނަޝާހަށް ގަމުގެ އޮންލީ ކުރި ފައުލަކާ ގުޅިގެން ނުރައްކާ ހިސާބަކުން ވާދުއަށް ހިލޭ ޖެހުމެއް.

ދެ ކުޅުންތެރިން ކައިރިން ނައްޓާލާފައި، ވާދޫގެ އަޔާ ކުރިއަށް ދަނިކޮށް، ގަމުގެ ތޮއްޕެ ފައުލް ކޮށްފި. މިހާތަނަށް ކޮންމެ ޓީމަކުން ވެސް ވަނީ ދެ ފައުލެއް ކޮށްފައި.

މެޗުގެ ކުޅުން ފަށައިފި.

ގަމު ޓީމުގެ ޓީމު ލިސްޓު:

ވާދޫ ޓީމުގެ ޓީމު ލިސްޓު: