ޔޫރޯ 2020 ގެ ގްރޫޕް އެފްގެ ދެވަނަ މެޗުގައި ޖަރުމަނާއި ފްރާންސް ވާދަކުރާ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!

މިރޭ ޖަރުމަނާއި ފްރާންސް ވާދަކުރާ މެޗަކީ މިހާތަނަށް ޔޫރޯގައި ފެންނާނެ އެންމެ ވަރުގަދަ ކުރިމަތިލުން. މިއީ ގްރޫޕް ސްޓޭޖުގެ ފުރަތަމަ ބުރުގެ އެންމެ ފަހު މެޗު. މެޗަށް ނުކުންނައިރު ޖަރުމަނަށް އޮތް އެންމެ ބޮޑު ފައިދާއަކީ އަމިއްލަ ގައުމުގެ އެންމެ ތާރީހީ އެއް ސްޓޭޑިއަމް އެލިއާންޒް އެރީނާގައި މެޗަށް ނުކުމެވުން. ފްރާންސަށް އޮތް ހިތްވަރަކީ އެޓީމަކީ ދުނިޔޭގެ ޗެމްޕިއަނުންނަށް ވުން.

  • މިއުނިކާއި އެލިއެންޒް އެރީނާގެ ބައެއް މައުލޫމާތު

ސިޓީ: މިއުނިކް

ސްޓޭޑިއަމް: އެލިއާންޒް އެރީނާ

ސަޕޯޓަރުންގެ ޖާގަ: 70،000 މީހުން

އުސޫލުތަކާއެކު ސަޕޯޓަރުން ވެއްދޭނެ ކަމަށް ބުނެފައިވާ އަދަދު: 14،500 (20 ޕަސެންޓް)

މިއުނިކް

- އޯކެސްޓްރާ އާއި ދާރުލް އާސާރުތަކުގެ މަޝްހޫރު ސިޓީއެއް

- ޖަރުމަނުގެ ސަގާފަތް އެންމެ ބޮޑަށް ދައްކުވައިދޭ ސިޓީ

- 990 އޭކަރުގެ ބަގީޗާއެއް ސިޓީގައި ހިމެނޭ

އެލިއާންޒް އެރީނާ

- ޖަރުމަނުގެ އެންމެ ކާމިޔާބު ކްލަބު ބަޔާން މިއުނިކްގެ ހޯމް ސްޓޭޑިއަމް

- 2005 ބިނާކޮށް ނިމުނު ސްޓޭޑިއަމްގައި 2006 ވަނަ އަހަރުގެ ވޯލްޑް ކަޕް މެޗުތައް ކުޅެފައިވޭ

- ސްޓޭޑިއަމްގެ ޗާލުކަން އޮސްޓްރިއާގެ އުސް ސަރަހައްދުތަކަށް ރޭގަނޑު ފެންނާނެ

  • ޖަރުމަނާ ފްރާންސްގެ ބައެއް ތާރީހީ ހަނދާންތައް

- ޖަރުމަނުން ވަނީ ތިން ފަހަރަށް ޔޫރޯ ކާމިޔާބު ކޮށްފައި.

- ފުރަތަމަ ޔޫރޯ ކާމިޔާބުކުރީ 1972 ވަނަ އަހަރު ވެސްޓް ޖާމަނީގެ ގޮތުގައި.

- 1980 ވަނަ އަހަރު އަނެއްކާވެސް ޔޫރޯގެ ތަށި ހޯދި، އަދި 1996 ވަނަ އަހަރު އަނެއްކާވެސް އެޓީމުން ޔޫރޯ ކާމިޔާބު ކުރި.

- ފްރާންސުން ވަނީ މީގެ ކުރިން ދެ ފަހަރު ޔޫރޯ ކާމިޔާބު ކޮށްފައި.

- އެންމެ ފުރަތަމަ ތަށްޓަކީ 1984 ވަނަ އަހަރު އަމިއްލަ ގައުމުގައި ބޭއްވި ޔޫރޯގެ ތަށި.

- އެގައުމުން ކާމިޔާބުކުރި ދެވަނަ ޔޫރޯއަކީ 2000 ވަނަ އަހަރުގެ ޔޫރޯ.

- 2000 ވަނަ އަހަރު ފްރާންސުން ޔޫރޯ ކާމިޔާބުކުރީ 1988 ވަނަ އަހަރުގެ ވޯލްޑް ކަޕް ޗެމްޕިއަނުން ގޮތުގައި.