ޓެކްސީ ލައިނަށް ޑްރައިވަރުން ހޯދަން ވޯކް-އިން އިންޓަވިއުއެއް ބާއްވަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ން ނިންމައިފިއެވެ.

އެމްޓީސީސީން މިއަދު ބުނީ ވޯކް-އިން އިންޓަވިއު ކުރިއަށް ގެންދާނީ މާފަންނު ބަސް ޓާމިނުގައި މިއަންނަ ހޮނިހިރު ދުވަހުގެ ހެނދުނު 10:00 އިން ހަވީރު 6:00 އަށް ކަމަށެވެ.

ޓެކްސީ ލައިނުގެ ޑްރައިވަރުގެ މަގާމަށް މީހުން ނަގަނީ ޕާޓްޓައިމްކޮށްކަމަށް އެމްޓީސީސީން ބުންޏެވެ.

އެހެންކަމުން ޝައުގުވެރިވާ ފަރާތްތަކުން އައިޑީ ކާޑު ހިފައިގެން ވޯކް-އިން އިންޓަވިއުއަށް އައުމަށް އެމްޓީސީސީންވަނީ އެދިފައެވެ.