އދ. މާމިގިލިން ފީނަން ގޮސް އުޅުނު 15 އަހަރުގެ ކުއްޖަކު ގެއްލިގެން ހޯދަން ފަށައިފިއެވެ.

ފުލުހުން ބުނީ މިއަދު މެންދުރުގެ ވަގުތެއްގައި މާމިގިލި ކައިރިން ފީނަން ގޮސް އުޅުނު ހަތަރު ކުދިންގެ ތެރެއިން އެއް ކުއްޖަކު ގެއްލިފައިވާ މައްސަލަ މިރޭ 7:00 ހާއިރު ރިޕޯޓުކުރި ކަމަށެވެ.

ގެއްލިގެން ހޯދަމުންދަނި 15 އަހަރުގެ ފިރިހެން ކުއްޖެއް ކަމަށް ފުލުހުން ބުންޏެވެ.

އެ ކުއްޖާ ހޯދުމުގެ މަސައްކަތް ފުލުހުންނާއި އެމްއެންޑީއެފް އަދި އެ ރަށުގެ ރައްޔިތުން ކުރިޔަށްގެންދާ ކަމަށް ފުލުހުން ބުންޏެވެ.