ޔޫރޯ 2024 ގެ 17 ވަނަ މެޗުގައި ޑެންމާކާއި އިންގްލެންޑް ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް"ގެ ކިޔުންތެރިންނަށް މަރުހަބާ!

މިއީ ދެޓީމުންވެސް މިއަހަރުގެ ޔޫރޯގައި ކުޅޭ ދެވަނަ މެޗު، އިންގްލެންޑުން ފުރަތަމަ ކުޅުނު މެޗުގައި. ސާބިއާ އަތުން މޮޅުވީ 1-0 އިން. އެ މެޗުގައި އިންގްލެންޑުން ކުރީކޮޅުގައި ލީޑު ނެގި ނަމަވެސް، ފަހުން އެންމެ އެކަށީގެންވާ ކުޅުމެއް ދެއްކިފައެއް ނުވޭ. ޑެންމާކަށްވެސް މިފަހަރު ފެށުން އެހާ ރަނގަޅެއް ނުވި. އެޓީމުން ފުރަތަމަ ކުޅުނު މެޗުގައި ސްލޮވޭނިއާ ކައިރިން އެއްވަރުވީ 1-1 ގެ ނަތީޖާއަކުން.

  • ގެރެތު ސައުތުގޭޓް - އިންގްލެންޑް

"މުބާރާތްތަކުގައި މެޗުތަކުން މޮޅުވުމަކީ ހީކުރާހާ ފަސޭހަ ކަމެއް ނޫން. އަދި މި މުބާރާތަށް ބަލައިލީމާ އެކަން ފެނޭ. އެހެން މުބާރާތްތަކާ އެއްގޮތެއްވެސް ނޫން، މިފަހަރު ޔޫރަޕްގެ ހުރިހާ ގައުމެއްގެ ސަޕޯޓަރުން ދަނޑަށްވަދެ ފުރިހަމައަށް ސަޕޯޓުވެސް ދެމުންދަނީ. އެހެންވީމަ މޮޅުވުމުން، އެ މޮޅަށް ޝުކުރުވެރިވާން ޖެހޭ. އަހަރެން މި މާހައުލުގައި ގައުމީ ޓީމާއެކު އުޅޭތާ މިހާރު އަށް އަހަރުވީ. އެހެންވީމާ އަހަންނަށް އެނގޭ ހުރިހާ އެއްޗެއް. ކުރިން އަހަރެން ރުޅި އާދޭ (ފާޑުކިޔުމުން). އެކަމަކު މިހާރު މިހުރީ ހޭނިފައި، އިންގްލެންޑް ސަޕޯޓަރުންގެ އުންމީދުތައް އަބަދުވެސް މާ މަތިވާނެ،"

  • ކެސްޕާ ޖުލްމަންޑް - ޑެންމާކް

"އަހަރެން ނުބަލަން މިދިޔަ ޔޫރޯގެ ސެމީ މެޗަކަށް. އެމެޗުގެ ހަނދާންތަކެއް ނުވެސް ގެންނަން. އަހަރެމެން ފުޓުބޯޅަ މެޗުތަކަށް ބަލާނީ ކުރިމަތީގައި ހުންނަ ދޮރުން. އެ ދޮރުން ބަލާއިރު އަހަރެމެންގެ ޓީމަކީ ވަރަށް ވަރުގަދަ ޓީމެއް. އަހަރެން އެ ވަގުތަކަށް ނުވެސް ވިސްނާނަން. އެހެން ބުންޏަސް ބައެއް ކުޅުންތެރިން އެކަމަށް ވިސްނާފާނެ. އެހެންވިޔަސް މިއީ މުޅިން އާ މެޗެއް. އިންގްލެންޑް ވަރަށް ވަރިގަދަ. ފޯކަސް ގެއްލުވާލައިގެން ނުވާނެ،"