މާލެއާއި ހުޅުމާލެއާ ދެމެދު ޖަހާފައިވާ ސޯލާ ޕެނަލްތަކަށް ކާރެއް އަރައިފިއެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ އެ އެކްސިޑެެންޓް ހިނގާފައިވަނީ މިއަދު 12:31 ހާއިރު ކަމަށެވެ. އެ އެކްސިޑެންޓުގައި އެއްވެސް މީހަކަށް އަނިޔާވެފައި ނުވާ ކަމަށްވެސް ބުންޏެވެ.

ނަމަވެސް އެކްސިޑެންޓުވި ކާރާއި ސޯލާ ޕެނަލްތަކަށް އެކި ވަރުގެ ގެއްލުން ވެފައިވާ ކަމަށް ފުލުހުން ބުންޏެވެ.

އެ އެކްސިޑެންޓް ފުލުހުން ދަނީ ތަހުގީގު ކުރަމުންނެވެ.