ގަތަރު ވޯލްޑް ކަޕް 2022 ގެ ގްރޫޕް އޭގެ ހަވަނަ މެޗުގައި އިރާނާއި އެމެރިކާ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މެޗަށް ނުކުންނަ އިރު، އިރާނަށް ބޭނުންވަނީ ޕޮއިންޓެއް. އެމެރިކާއަށް ގަދަ 16 ހޯދެން އޮތީ މެޗުން މޮޅުވެގެން. މެޗާ ހަމައަށް އައި އިރު، އިރާނުން އޮތީ ފުރަތަމަ ދެ މެޗުން ތިން ޕޮއިންޓް ހޯދާފައި. އިރާނުން ވޭލްސް 2-0 އިން ބަލިކުރި. ފުރަތަމަ މެޗުގައި އިންގްލެންޑް ކައިރިން ބަލިވީ 6-2 ގެ ނަތީޖާއަކުން. އަނެއްކޮޅުން އެމެރިކާ އަތުގައި އޮތީ ދެ ޕޮއިންޓް. އެއީ ވޭލްސްއާއި އިންގްލެންޑް މެޗުން ހޯދި ދެ ޕޮއިންޓް.

  • އިރާނާއި އެމެރިކާ ވަނީ 1980 ވަނަ އަހަރު ދާހިލީ ގުޅުން ކަނޑާލާފައި
  • އެމެެރިކާއާއި އިރާނަކީ ދުނިޔޭގެ ސިޔާސީ ކަންކަމުގައި ބޮޑު ދެ ވާދަވެރިން، ހާއްސަކޮށް ދާހިލީ ދެ ހަތުރުން
  • ހާއްސަކޮށް 1900 ގެ އަހަރުތަކުގައި އިރާނާއި އެމެރިކާ މައްސަލަ ބޮޑު
  • މައްސަލަ ބޮޑުކަން 1998 ވަނަ އަހަރު ވޯލްޑް ކަޕް ގްރޫޕް ސްޓޭޖުގައި އިރާނާއި އެމެރިކާ ކުޅުނު މެޗުންވެސް ސާފުވި
  • ފްރާންސްގައި ބޭއްވި 1998 ވަނަ އަހަރު ވޯލްޑް ކަޕްގައި ދެޓީމު ކުޅުނު މެޗުގެ ކުރިން އެތަކެއް ވާހަކަތަކެއް ދެކެވުނު
  • އިރާން ކުޅުންތެރިންނަށް އެމެރިކާ ކުޅުންތެރިންނާ ސަލާމް ކުރަން ނުދާން ސަރުކާރުން ފަހު މިނެޓު އެދުނު
  • މެޗު ފެށީ ދެޓީމު އެއްކޮށް ފޮޓޯއެއް ނަގައިގެން، އެ މެޗުގައި އިރާނުން އެމެރިކާ ކުޅުންތެރިންނަށް ހުދު ފިނިފެންމާ ދިން
  • އެއީ ސުލްހަވެރިކަމުގެ ރަމްޒެއްގެ ގޮތުގައި
  • މެޗު ކުޅުނީ 150 އަށްވުރެ ގިނަ ސިފައިން ހަތިޔާރާއެކު ދަނޑުގައި ތިބެގެން
  • މި ފަހަރު މެޗަށްވެސް މައްސަލަ ހޫނު، އެމެރިކާ ޓީމް ސޯޝަަލް މީޑިއާ ޕޯސްޓެއްގައި އިރާން ދިދައިގެ ﷲގެ ކަލިމަފުޅު ނެގުމުން އެކަން ހޫނުވި
  • ފަހު އެމެރިކާއިން އެ ޕޯސްޓް ބަދަލުކުރި، އެހެންނަމަވެސް އެ މައްސަލަ އިރާނުން ފީފާއަށް ޖެއްސި
  • މައްސަލައިގައި އެމެރިކާ ކޯޗު މައާފަށްވެސް އެދެން