ސައިބާސްޕޭސްގައި ހިންގާ ހުއްދަނޫން އަމަލުތައް ގާނޫނުގައި ހިމަނަނީ

ސައިބާސްޕޭސްގައި ހިންގާ ހުއްދަނޫން އަމަލުތައް ކުށުގެ ގޮތުގައި ކަނޑައަޅައި އެކަމާ ގުޅޭ އިޖުރާއީ އުސޫލުތައް ކަނޑައެޅުމަށް ތިން ގާނޫނަކަށް އިސްލާހު ގެނައުމަށް އެޓާނީ ޖެނަރަލް (އޭޖީ) އޮފީހުން ފޮނުވައިފިއެވެ.

އޭޖީ އޮފީހުން މިއަދު ބުނީ ސައިބާސްޕޭސްގައި ހިންގާ ހުއްދަ ނޫން އަމަލުތަކަކީ ކުށް ކަމުގައި ކަނޑައެޅުމަށާއި އެ ކުށްތަކާ ގުޅޭ އިޖުރާއީ އުސޫލުތައް ކަނޑައެޅުމަށް ތިން ގާނޫނަކަށް އިސްލާހު ގެނައުމަށް ހުށަހަޅާ ތިން ބިލެއް ރައްޔިތުންގެ މަޖިލީހަށް ފޮނުވުމަށް، ރައީސް އޮފީހަށް ފޮނުވާފައިވާ ކަމަށެވެ.

ގާނޫނަށް ހުށަހަޅާ މައިގަނޑު އިސްލާހުތައް:

އޭޖީ އޮފީހުން ވަނީ ޖިނާއީ އިޖުރާއާތުގެ ގާނޫނަށް ވެސް އިސްލާހު ގެންނަން މަޖިލީހަށް ފޮނުވުމަށް ރައީސް އޮފީހަށް ފޮނުވައިފައެވެ. އެ އިސްލާހު ހުށަހަޅަނީ ޖިނާއީ އިޖުރާއާތުގެ ގާނޫނުގެ ދަށުން ޒާތީ މުއާމަލާތްތައް އިންޓަސެޕްޓްކުރުމުގައި މިހާރު އަމަލުކުރާ އުސޫލުތަކުގެ ބައެއް ބަދަލުކޮށް، ގާނޫނު ތަންފީޒުކުރާ އިދާރާތަކަށް ސައިބާސްޕޭސްގައި ހިންގާ ކުށްތައް ތަހުގީގު ކުރުމަށް ގާނޫނީ ގޮތުން އިތުރު ބާރުތަކެއް ދިނުމަށް ކަމަށް އޭޖީ އޮފީހުން ބުންޏެވެ.

ޖިނާއީ އިޖުރާއަތުގެ ގާނޫނަށް ގެންނަން ހުށަހަޅާ އިސްލާހުތައް: