ގަތަރު ވޯލްޑް ކަޕް 2022 ގެ ގްރޫޕް ސީގެ ފުރަތަމަ މެޗުގައި އާޖެންޓީނާއާއި ސައުދީ އަރަބިއާ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މިއީ މިފަހަރުގެ ވޯލްޑް ކަޕްގައި ދެޓީމުންވެސް ކުޅޭ ފުރަތަމަ މެޗު. ގްރޫޕް ސީގައި ސައުދީއާއި އާޖެންޓީނާގެ އިތުރުން ދެން ހިމެނެނީ މެކްސިކޯއާއި ޕޮލެންޑް. އެ ދެ ޓީމު ގްރޫޕް ސްޓޭޖުގައި ވާދަކުރާ މެޗުވެސް މިރޭ އޮންނާނެ.

  • ސައުދީން ފުރަތަމަ ފަހަރަށް ވޯލްޑް ކަޕަކަށް ކޮލިފައިވެފައިވަނީ 1994 ގައި
  • މިއަހަރުގެ ވޯލްޑް ކަޕަކީ ސައުދީއަށް ހަވަނަ ވޯލްޑް ކަޕް
  • ސައުދީގެ އެންމެ ކާމިޔާބު ވޯލްޑް ކަޕަކީ އެޓީމުގެ ފުރަތަމަ ވޯލްޑް ކަޕް
  • 1994 ގައި ގްރޫޕުގެ ދެވަނަ ހޯދައިގެން ސައުދީން ވަނީ ގަދަ 16 ކުޅެފައި
  • އާޖެންޓީނާ ވަނީ ވޯލްޑް ކަޕްގެ ފުރަތަމަ މުބާރާތް, ވޯލްޑް ކަޕް 1930 ގައި ވެސް ވާދަކޮށްފައި
  • ވޯލްޑް ކަޕް 1978 ގައި އާޖެންޓީނާއިން ވަނީ ފުރަތަމަ ފަހަރަށް ވޯލްޑް ކަޕްގެ ތައްޓެއް ހޯދާފައި
  • އަމިއްލަ ގައުމުގައި ބޭއްވި އެ ވޯލްޑް ކަޕް އާޖެންޓީނާ ނެގީ ފައިނަލުގައި ނެދަލެންޑްސް ބަލިކޮށްގެން
  • ޖުމުލަ ދެ ވޯލްޑް ކަޕެއް ނަގައިފައިވާ އާޖެންޓީނާ މަރަޑޯނާއާއެކު ދެން ތަށި ނެގީ 1986 ގައި
  • 2014 ވަނަ އަހަރު މެސީގެ މޮޅު ކުޅުމާއެކު އާޖެންޓީނާ ވޯލްޑް ކަޕް ފައިނަލް ކުޅުނު