ޚަބަރު

12 ކިލޯގެ މަސްތުވާތަކެއްޗާއެކު ކަނޑުމަތިން ހައްޔަރުކުރި ތިން މީހުން ބަންދަށް

އަލީ ޔާމިން

ފުލުހުން ހިންގި އޮޕަރޭޝަނެއްގައި ކަނޑުމަތިން 12 ކިލޯގެ މަސްތުވާތަކެއްޗާއެކު ހައްޔަރު ކުރި މީހުންގެ ބަންދުގެ މުއްދަތު ޖަހައިފިއެވެ.

ފުލުހުން ބުނީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ކަނޑުމަތިން މަސްތުވާތަކެއްޗާއެކު ތިން މީހަކު ހައްޔަރުކޮށްފައިވާ ކަމަށެވެ. އެއީ ދިވެއްސަކާއި ބަންގުލަދޭސް މީހަކާއި އިންޑިއާ މީހެކެވެ.

މި މީހުންގެ ބަންދާ މެދު ގޮތެއް ނިންމަން ކްރިމިނަލް ކޯޓަށް މިއަދު ހާޒިރުކުރުމުން ދިވެހި މީހާގެ ބަންދަށް ދިހަ ދުވަސް އަދި ބިދޭސީ ދެ މީހުންގެ ބަންދަށް ވަނީ 15 ދުވަސް ޖަހައިފައެވެ.

ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.