ގިނަ ސްކޫލުތަކަކަށް ޕްރިންސިޕަލުން ހޯދަން އިއުލާނުކޮށްފި އެވެ.

އެޑިޔުކޭޝަން މިނިސްޓްރީން އިއްޔެ ވަނީ 12 ސްކޫލަކަށް ޕްރިންސިޕަލުން ހޯދަން އިއުލާނުކޮށްފައެވެ. އެޑިޔުކޭޝަންގެ އިއުލާނުގައިވާ ގޮތުން ޕްރިންސިޕަލުންގެ މަގާމަށް ކުރިމަތިލާން ބޭނުން ފަރާތްތަކުން އަންނަ މަހުގެ ދެވަނަ ދުވަހުގެ މެންދުރުފަހު 1:30 ގެ ކުރިން ވަޒީފާއަށް އެދޭ ފޯމާއި ލިޔުންތައް [email protected] އަށް މެއިލް ކުރަން ޖެހޭނެއެވެ.

  • ހއ. ފިއްލަދޫ ސްކޫލް
  • ށ. ގޮއިދޫ ސްކޫލް
  • ހއ. ވަށަފަރު ސްކޫލް
  • ހއ. ބާރަށު ސްކޫލް
  • ހދ. ހިރިމަރަދޫ ސްކޫލް
  • ހދ. އަތޮޅު ތައުލީމީ މަރުކަޒު
  • ރ. ފައިނު ސްކޫލް
  • ގއ. ކޮނޑޭ ސްކޫލް
  • ވާދޫ ޖަމާލުއްދީން ސްކޫލް
  • ހދ. ނޭކުރެންދޫ ސްކޫލް
  • ނ. މަގޫދޫ ސްކޫލް
  • މ. އަތޮޅު ތައުލީމީ މަރުކަޒު

ޕްރިންސިޕަލްގެ މަގާމަށް އެންމެ ގާބިލު ފަރާތެއް ހޮވުމުގައި ހާސިލު ކޮށްފައިވާ ތައުލީމާއި ތަމްރީނަށާއި މަސައްކަތުގެ ދާއިރާއިން ލިބިފައިވާ ތަޖުރިބާއަށާއި ގާބިލުކަން ކަށަވަރުކުރުމަށް ބާއްވާ އިންޓަވިއުގައި ހޯދާ މާކްސް އަށް ބަލާނެ ކަމަށް އެޑިއުކޭޝަން މިނިސްޓްރީން ބުންޏެވެ.