ޔޫރޯ 2020ގެ ގަދަ 16ގައި ވޭލްސްއާއި ޑެންމާކު ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

ވޭލްސްއާއި ޑެންމާކު މިރޭ ކުޅޭ މެޗަކީ ޔޫރޯ 2020ގެ ގަދަ 16 ގައި ކުޅޭ ފުރަތަމަ މެޗު. ވޭލްސްއިން ގަދަ 16 އަށް ދިޔައީ ގްރޫޕް އޭގެ ދެވަނަ ޓީމުގެ ގޮތުގައި. ޑެންމާކުން ގަދަ 16 އަށް ދިޔައީ ގްރޫޕް ބީގެ ދެވަނަ ޓީމުގެ ގޮތުގައި. މިހާތަނަށް ވޭލްސްއާއި ޑެންމާކު ވަނީ 10 މެޗެއްގައި ކުރިމަތިލާފައި. ހެޑް ޓު ހެޑް ރެކޯޑަށް ބަލާއިރު، ޑެންމާކު ހަ މެޗުން މޮޅުވެފައިވޭ. ވޭލްސްއަށް ޑެންމާކު ކައިރިން މޮޅުވެވުނީ ހަތަރު ފަހަރު.

ޑެންމާކާއި ވޭލްސް މިރޭގެ މެޗަށް ނުކުންނަނީ ޔޯހަން ކްރައިފް އެރީނާއަށް. އެއީ ނެދަލޭންޑްސްގެ އެމްސްޓެޑާމްގެ ހިތްގައިމު ސްޓޭޑިއަމްއެއް.

  • ވޭލްސް

މިފަހަރުގެ ޔޫރޯ މުބާރާތަކީ އެޓީމުން ކުޅޭ ދެވަނަ ޔޫރޯ. ވޭލްސްގެ ފުރަތަމަ ޔޫރޯއަކީ އެންމެ ފަހުން 2016ގައި ފްރާންސްގައި ބޭއްވި ޔޫރޯ. އެންމެ ފަހުން ބޭއްވި ޔޫރޯގައި ވޭލްސްއިން ވަނީ ބޮޑު ކާމިޔާބެއް ހޯދައިފައި. އެ މުބާރާތުގެ ސެމީ ފައިނަލާ ހަމައިން ވޭލްސްއަށް މުބާރާތާ އަލްވަދާއު ކިޔަން ޖެހުނީ ޗެމްޕިއަން ޕޯޗުގަލް އަތުން ބަލިވެގެން. މިއީ ކާމިޔާބު ތަކުރާރު ކުރުމަށް ވޭލްސްއަށް ލިބުނު މުހިއްމު ފުރުސަތެއް.

ގްރޫޕް ސްޓޭޖު މެޗުތަކުގެ ނަތީޖާ

ވޭލްސް 1-1 ސްވިޒަލޭންޑް

ވޭލްސް 2-0 ތުރުކީ

އިޓަލީ 1-0 ވޭލްސް

  • ޑެންމާކު

ޔޫރޯގައި ޑެންމާކުން ވަނީ ރަނގަޅު ކާމިޔާބީތަކެއް ހޯދައިފައި. ޔޫރޯގައި ހަތް ފަހަރު ވާދަކޮށްފައިވާ އިރު، ޔޫރޯ 1992ގެ ޗެމްޕިއަން ޓީމަކީ ޑެންމާކު. އޭގެ އިތުރުން ޑެންމާކުން ވަނީ ޔޫރޯ 1984ގެ ސެމީ ފައިނަލުގައި ވާދަކޮށް، ޔޫރޯ 2004ގެ ކުއާޓާ ފައިނަލުގައި ވެސް ވާދަކޮށްފައި.

ގްރޫޕް ސްޓޭޖުގެ މެޗުތަކަކީ ޑެންމާކަށް އުނދަގޫ، އަސަރުގަދަ ކަންތައްތަކެއް ދިމާވި މެޗުތަކެއް. ފުރަތަމަ މެޗުގައި އެޓީމުގެ ތަރި، ކްރިސްޓިއަން އެރިކްސަން ކާޑިއެކް އެރެސްޓެއްގައި ދަނޑު މައްޗަށް ވެއްޓި ހިތާމަވެރި ވަގުތުކޮޅަކާ ޓީމު ކުރިމަތިލާން ޖެހިފައިވީނަމަވެސް ޑެންމާކުން ވަނީ ފަހު މެޗާ ހަމައަށް ހިތްވަރުކޮށް ގަދަ 16 ޔަގީން ކޮށްފައި.

ގްރޫޕް ސްޓޭޖު މެޗުތަކުގެ ނަތީޖާ

ޑެންމާކު 0-1 ފިންލޭންޑް

ޑެންމާކު 1-2 ބެލްޖިއަމް

ޑެންމާކު 4-1 ރަޝިއާ