ކުރިއަށް އޮތް ތަނުގައި ކޮވިޑުގެ މައުލޫމާތުދެމުން ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ)ގެ ތަރުޖަމާނާއެކު ކަމަށް ހެލްތު މިނިސްޓަރު އަބްދުﷲ އަމީން ވިދާޅުވެއްޖެއެވެ.

ނޭޝަނަލް އިމަޖެންސީ އޮޕަރޭޝަންސް ސެންޓަރު (އެންއީއޯސީ) ގައި މިރޭ ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ މިރެއަކީ އެންއީއޯސީގެ ތަރުޖަމާނު މުހައްމަދު މަބްރޫކް އަބްދުލް އަޒީޒަށް ހާއްސަކުރާ ރެއެއް ކަމަށާއި އެހެން ތަރުޖަމާނަކާއެކު ވަރަށް އަވަހަށް މަސައްކަތް ފަށާނެ ކަމަށެވެ.

"މިރެއަކީ އަޅުގަނޑުމެން މަބްރޫކަށް ހާއްސަކުރާ ރެޔެއް، ދެން އިރާދަކުރެއްވިއްޔާ އެހެން ހެލްތު އިމަޖެންސީ އޮޕަރޭޝަންސް ސެންޓަރުގެ ތަރުޖަމާނަކާއެކު ތިބޭފުޅުންނަށް މައުލޫމާތު ފޯރުކޮށްދިނުމުގެ ސިލްސިލާތައް އަޅުގަނޑުމެން ފަށާނަން،" މިނިސްޓަރު ވިދާޅުވިއެވެ.

ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ)އަށް ބަދަލުވުމަކުން މަސައްކަތުގެ ބައިވެރިންނަށް ބޮޑު ބަދަލެއް ނާންނާނެ ކަމަށާއި ނަމަވެސް އެތައް ދުވަހަކު ކުރި މަސައްކަތުގެ ސްކޭލް ކުޑަވެގެންދާނެ ކަމަށެވެ.

ސްކޭލް ބަދަލުވުމުގެ ސަބަބުން އެއާއެކު ގެންނަންޖެހޭ ބަދަލެއް ހިންގުމަށް ގެނައީ ކަމަށް މިނިސްޓަރު ވިދާޅުވިއެވެ. އެގޮތުން އެންމެ ބޮޑު ތަފާތެއްގެ ގޮތުގައި މިވަނީ ނޭޝަނަލް ޑިޒާސްޓާ މެނޭޖްމެންޓް އޮތޯރިޓީން ކުރަމުންދިޔަ ދައުރަކަށް ބަދަލު އައީ ކަމަށާއި އެހެން ނަމަވެސް އެއިދާރާތަކުގެ ބޭނުންވާ އެހީ ލިބެމުންދާނެ ކަމަށް ވިދާޅުވިއެވެ.

މިނިސްޓަރު ވިދާޅުވީ މި އޮޕަރޭޝަން ކުރިއަށްދާހާ ހިނދަކު މިކަމަށް ސަރުކާރުގެ ހުރިހާ އިދާރާތަކުންނާއި ހުރިހާ ފަރާތްތަކުން ދޭންޖެހޭ އިސްކަމަށް ބަދަލެއް ނާންނާނެ ކަމަށެވެ. އަދި ކޮވިޑުގެ ހާލަތު ރަނގަޅު ވަންދެން ސަރުކާރުން މިކަން އެންމެ ފުރިހަމަ ގޮތުގައި ކުރިއަށްދޭތޯ ކަށަވަރު ކުރާނެ ކަމަށް ވެސް މިނިސްޓަރު ވިދާޅުވިއެވެ.