ރެއާލަށް މޮޅުވެވުނީ ފަހުވަގުތު އެސްޕީ ޖެހި ގޯލުން

ސްޕެނިޝް ލީގުގައި ރޭ ރެއާލް މެޑްރިޑުން ކުޅުނު މެޗުގައި އެލްޗޭ ކައިރިން މޮޅުވެއްޖެއެވެ.

ރަށުން ބޭރުގައި ރެއާލުން 3-2 އިން އެލްޗޭ ބަލިކުރި އިރު، ރެއާލުން އަދި މި ސީޒަނުގައި ބަލިވީ އެންމެ މެޗަކުންނެވެ. އެ މެޗުން ބަލިވުމާއެކު ރެއާލް އަދި އޮތީ ދެވަނައިގައެވެ. ހަ މެޗުން 15 ޕޮއިންޓާއެކު ރެއާލް ދެވަނައިގައި އޮތީ ބާސެލޯނާއާ ޕޮއިންޓްގެ ގޮތުން އެއްވަރުވެގެންނެވެ. ބާސާއިން އެއް މެޗު މަދުން ކުޅެ، ފަސް މެޗުން 15 ޕޮއިންޓް ހަމަކޮށްފައިވާ އިރު، ދެޓީމުގެ ފައިދާ ގޯލްގެ ފަރަގު ބޮޑެވެ.

ރޭގެ މެޗު ފަށައިގެން ކުރީކޮޅުގައި ރެއާލުން ނުރައްކާކުރި ނަމަވެސް އެޓީމަށް އެންމެ ރަނގަޅަށް ފުރުސަތުތަކުގެ ބޭނުން ހިފިފައެއް ނުވެއެވެ. ހާއްސަކޮށް ކުރީކޮޅުގައި ވިނީޝިއަސް ޖޫނިއާއަށް ލިބުނު ފުރުސަތުތައް އޭނާ އަތުން ބޭކާރުވެގެން ދިޔަ އިރު، އެޓީމުން ލީޑު ނެގީ ހިލޭ ޖެހުމެއްގައެވެ. އާދާ ގުލާ ޖަހައިދިން އެ ގޯލާއެކު ރެއާލުން ލީޑު ނެގި އިރު، ހާފު ނިމުމުގެ ކުރިން ދެވަނަ ގޯލެއްވެސް ޖެހިއެވެ.

އަރިމަތިން ޔާން ޑިއޮމާންޑޭ އަރިމަތިން ނަގައިދިން ބޯޅަ ކިލިއަން އެމްބާޕޭ ގޯލްގެ ތެރެއަށް ފޮނުވާލި އިރު، އެ ގޯލް ޖެހީ 33 ވަނަ މިނެޓުގައެވެ.

ދެވަނަ ހާފުގައި މެޗުގެ އޮއިވަރު ބަދަލުވެގެން ދިޔައީ އަބިއެލް އޮސޯރިއޯއާއި ފޭ ނީނޯ ޖެހި ގޯލްތަކުން މެޗު އެއްވަރުވުމުންނެވެ. އެހިސާބުން ރެއާލް މޮޅަކަށް ބުރަކޮށް މަސައްކަތް ކުރި އިރު، 91 ވަނަ މިނެޓުގައި ޖަހައިދިނީ ކާލޮސް އެސްޕީއެވެ.