މާލޭގެ ހުރިހާ ސަރަހައްދަކަށް މިހާރު ކަރަންޓް ދީފައިވާ ކަމަށް ސްޓެލްކޯ އިން ބުނެފި އެވެ.

ދިމާވި ޓެކްނިކަލް މައްސަލައަކާ ގުޅިގެން މުޅި މާލެ، ހުޅުމާލެ އަދި ހުޅުލެ އިން މިއަދު 12:30 އެހާކަންހާއިރު ވަނީ ކަރަންޓު ކެނޑިފަ އެވެ.

ސްޓެލްކޯ އިން ދެންމެ ބުނީ، މާލޭގެ ހުރިހާ ސަރަހައްދަކަށް މިހާރު ކަރަންޓު ދެވިފައިވާއިރު، ހުޅުމާލޭގެ ރުއްގަނޑު 1 ގައި ބަހައްޓާފައި ހުންނަ ޓްރާންސްފޯމަރެއް ފިޔަވައި ހުޅުމާލޭގެވެސް އެހެން ހުރިހާ ސަރަހައްދަކަށް މިހާރު ކަރަންޓު ދީފައިވާ ކަމަށެވެ.

އެހެންކަމުން ހުޅުމާލޭގެ ރުއްގަނޑު 1 ގައި ބަހައްޓާފައި ހުންނަ ޓްރާންސްފޯމަރު ހުރި ސަރަހައްދު ފިޔަވައި އެހެން ސަރަހައްދުތަކުގެ ކަރަންޓް ނުލިބޭ ކަސްޓަމަރެއް ހުރި ނަމަ ސްޓެލްކޯ އިން އެމަޖެންސީ ނަންބަރު 104 އަށް ގުޅުމަށް އެ ކުންފުނިން ވަނީ އެދިފަ އެވެ.