ފިނޭ ބަނދަރު މަސައްކަތަށް ބޭނުންވާ ކޮންކްރީޓް ބްލޮކްގެ ފުރަތަމަ ޝިޕްމަންޓް ސައިޓަށް

ހދ. ފިނޭ ބަނދަރު ތަރައްގީގެ މަޝްރޫއުގެ މަސައްކަތަށް ބޭނުންވާ ކޮންކްރީޓް ބްލޮކްތަކުގެ ފުރަތަމަ ޝިޕްމަންޓް ސައިޓަށް ގެންގޮސްފިއެވެ.

ޖުމުލަ 44.5 މިލިއަން ރުފިޔާއަށް އެ މަޝްރޫއު އެމްޓީސީސީއާ ހަވާލުކުރީ 9 ސެޕްޓެމްބަރު 2022 ގައެވެ. އެމްޓީސީސީގެ ޕްރޮޖެކްޓްތަކުގެ ސްޓޭޓަސްތަކަށް ހާއްސަ ވެބްސައިޓުން ދައްކާގޮތުން އެ މަޝްރޫއުގެ ހަ ޕަސެންޓް މަސައްކަތް ވަނީ ނިމިފައެވެ.

އެ މަޝްރޫއުގެ ދަށުން ކުރިއަށްގެންދަން ނިންމާފައިވާ މަސައްކަތްތައް:

• 5،848.05 ކިއުބިކް މީޓަރުގެ ސަރަހައްދެއްގައި ކުރިން ފުންކޮށްފައިވާ ފަޅު އަލުން ފުންކުރުން.
• 35،484.26 ކިއުބިކް މީޓަރުގެ ސަރަހައްދެއްގައި އައު ހަބާރު ބޭސިން ފުންކުރުން.
• 5،848.05 ކިއުބިކް މީޓަރުގެ ސަރަހައްދެއްގެ ބޭރުތޮށިލުން.

އެ މަޝްރޫއުގެ ދަށުން އިތުރަށް ކުރިއަށްގެންދިއުމަށް ނިންމާފައިވާ މަސައްކަތް:

• 219 މީޓަރުގެ ސަރަހައްދެއްގައި ބޭރު ތޮށިލުން.
• 82 މީޓަރުގެ ސަރަހައްދެއްގައި ރިވެޓްމެންޓް ޖެހުން.
• 248 މީޓަރު ސަރަހައްދެއްގައި އެއްގަމު ތޮށިލުން.
• 2،198.65 އަކަ މީޓަރު ސަރަހައްދެއްގައި ހާބަރު ޕޭވްމަންޓް ހެދުން.
• ދިހަ މީޓަރު ދިގު، ނުވަ މީޓަރު ފުޅާ ރޭމްޕެއް ހެދުމާއި ބަނދަރު ބައްތި އާއި މޫރިން ބޯއިސް ހަރުކުރުން.