ޔޫރޯ 2024 ގައި ކުޅޭ 31 ވަނަ މެޗުގައި ޑެންމާކާއި ސާބިއާ ވާދަކުރާ މެޗުގެ ލައިވް ބްލޮގަން "ވަން ސްޕޯޓްސް"ގެ ކިޔުންތެރިންނަށް މަރުހަބާ!

ޑެންމާކުން މިރޭގެ މެޗަށް ނުކުންނަނީ ސާބިއާ ކައިރިން ބަލިނުވެ ގަދަ 16 ޔަގީންކުރަން. ޑެންމާކަށް އަމިއްލަ ބާރު އޮތީ ޕޮއިންޓެއް ހޯދައިގެން. އެހެންވީމަ އެޓީމުން ނުކުންނާނީ އެ ޕޮއިންޓް ޔަގީންކުރަން. ސާބިއާއަށްވެސް ފުރުސަތު އެބައޮތް. އެޓީމަށް ގަދަ 16 އަށް ދާން ފުރުސަތު އޮތީ މިރޭގެ މެޗުން މޮޅުވެގެން.

  • ޑެންމާކުގެ ކޯޗު ކެސްޕާ ޖުލްމަންޑް

"އަހަރެމެންނަކީ އަބަދުވެސް މޮޅުވާން ބޭނުންވާ ޓީމެއް. މެޗުތަކުން މޮޅުވެ، އަހަރެމެން ބޭނުންވަނީ އެކަން ފާހަގަކުރުމުގެ ގޮތުން ލަވަކިޔަން. އަހަރެމެން މެޗަށް ނުކުންނާނީ މޮޅެއް ހޯދަން. "ސާބިއާ އިން ވަރަށް ގިނަ ވަގުތު ބޯޅަ ހިފަހައްޓައިގެން ކުޅޭ. އެ ޓީމުން ބޭނުންވަނީ ކުޅެން، ދަނޑުމަތީގައި އެ ޓީމު ފެންނަނީ ފިޒިކަލީ ވަރަށް ވަރުގަދަކޮށް. އެ ޓީމުން ރަނގަޅަށް ކުޅޭ ނަމަ، ކުޅެނީ ވަރަށް ރަނގަޅަށް. އަހަރެމެންނަށް ޕްރެޝަރާ ކުރިމަތިލާން ޖެހިދާނެ، އެކަމަކު އަހަރެމެންނަށް ޑިފެންސް ކުރެވޭނެ،"

  • ސާބިއާގެ ކޯޗު ޑްރޭގަން ސްޓޮއިކޮވިޗް

"އެއީ އަހަރެމެން ރަނގަޅުކުރުމަށް މަސައްކަތްކުރާނެ ކަމެއް. އަހަރެމެން ފުރަތަަމަ 45 މިނެޓުގައި ޑެންމާކަށް އެފަދަ ފައިދާއެއް ނުދޭނަން. އަހަރެމެންނަށް މެޗުގެ ފުރިހަމަ ކޮންޓްރޯލު ހޯދުމާއެކު ހުރިހާ ކަމެއްވެސް ބަދަލުވެގެންދާނެ. ފުރަތަމަ މެޗުތަކުގައި ގޯސް ހެދުނަސް އެ ގޯސްތައް ރަނގަޅުކުރާނަން،"