ޔޫރޯ 2024 ގެ 15 ވަނަ މެޗުގައި ސްކޮޓްލޭންޑާއި ސްވިޒަލޭންޑް ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް"ގެ ކިޔުންތެރިންނަށް މަރުހަބާ!

ސްކޮޓްލޭންޑަށް މުބާރާތުގެ ފެށުން ދިޔައީ ގޯސްކޮށް. އެއީ ހޯސްޓް ޖަރުމަނު ކައިރިން 5-1 އިން ބަލިވުމުން. އެޓީމުން މިރޭ ނުކުންނަނީ އަލުން މުބާރާތުގައި އުންމީދެއް ހޯދަން. އަނެއްކޮޅުން ނުކުންނަ ސްވިޒަލޭންޑް އޮތީ ކުޅުނު ފުރަތަމަ މެޗުގައި ހަންގޭރީ ކައިރިން 3-1 އިން މޮޅުވެފައި. އަަނެއް ބުރުގެ އުންމީދު ބޮޑުކުރުމަށް މިރޭގެ މެޗު މުހިއްމު.

އެފްސީ ކޮލޯންގެ ރަސްމީ ދަނޑު ކަމުގައި ވާ ކޮލޯން ސްޓޭޑިއަމަކީ 2006 ގެ ފީފާ ދުނިޔޭގެ ފުޓުބޯޅަ މުބާރާތަށް ޓަކައި މަރާމާތު ކޮށް ޒަމާނީ ކުރެވުނު ދަނޑެއް. ޖަރުމަނުގެ އެންމެ ތާރީޚީ އެއް ޝަހަރު ކަމުގައި ވާ ކޮލޯންގައި އޮންނަ މި ދަނޑަކީ ފުޓުބޯޅައިގެ އިތުރުން ކުޅިވަރާއި ފަންނުވެރިކަމުގެ ގިނަ އެހެން އިހުތިފާލުތަކެއް ވެސް ބާއްވާ ތަނެއް. އޭގެ ތެރޭގައި، ކޮންމެ އަހަރަކު ޖަރުމަނުގައި ބާއްވާ އެމެރިކަން ފުޓުބޯޅަ އިވެންޓަކާއި، އައިސް ހޮކީ އާއި، މިޔުޒިކް ކޮންސާޓުތައް ހިމެނޭ. މި ދަނޑުގައި ފަހުގެ ތާރީޚެއްގައި ކުޅެވުނު މުހިއްމު މެޗުތަކުގެ ތެރޭގައި 2020 ވަނަ އަހަރުގެ ޔުއެފާ ޔޫރޮޕާ ލީގުގެ ފައިނަލް ހިމެނޭ.

ކެޕޭސިޓީ: 43000