ޔޫއެފާ ޔޫރޯ 2024 ގެ 14 ވަނަ މެޗުގައި ޖަރުމަނާއި ހަންގޭރީ ވާދަކުރާ މެޗުގެ ލައިވް ބްލޮގަށް "ވަން ސްޕޯޓްސް"ގެ ކިޔުންތެރިންނަށް މަރުހަބާ!

ޖަރުމަނުން މިފަހަރުގެ މުބާރާތް ފެށީ ފުރަތަމަ މެޗުގައި ސްކޮޓްލޭންޑް 5-1 އިން ބަލިކޮށްގެން. އެ ނަތީޖާއާއެކު ޖަރުމަނަށް ވަނީ އަމިއްލަ ގައުމުގައި އުންމީދު އާވެފައި. މިރޭ ޖަރުމަނުން ނުކުންނާނީ މެޗުން މޮޅުވެ، އަނެއް ބުރަށް ދާން ފުރުސަތު ފަހިކުރުމަށް. އަނެއްކޮޅުން ނުކުންނަ ހަންގޭރީ އޮތީ ފުރަތަމަ މެޗުގައި ސްވިޒަލޭންޑް ކައިރިން 3-1 އިން ބަލިވެފައި. އެހެންވީމަ އެޓީމުން ނުކުންނަނީ މަޖުބޫރު މޮޅަކަށް.

ސްޓުޓްގާޓަކީ ދުނިޔޭގެ އެންމެ މަޝްހޫރު ކާރު ބްރޭންޑްތަކުގެ ތެރޭގައި ހިމެނޭ މާސިޑީޒް ބެންޒް އަދި ޕޯޝޭގެ ވަޒަން. އެ ޝަހަރަށް ނިސްބަތްވާ ވީއެފްބީ ސްޓުޓްގާޓްގެ ރަސްމީ ދަނޑަކީ އެރީނާ ސްޓުޓްގާޓް. މި ދަނޑުގައި ކުޅެފައިވާ މުހިއްމު މެޗުތަކުގެ ތެރޭގައި 1998 ވަނަ އަހަރުގެ ޔޫރަޕިއަން ކަޕް ފައިނަލާއި، 2006 ފީފާ ދުނިޔޭގެ ފުޓުބޯޅަ މުބާރާތުގެ ތިންވަނަ ހޮވި މެޗު ހިމެނޭ. މިހާރުގެ ފަރުމާއަށް 1993 ގައި ބިނާ ކުރެވުނު މި ދަނޑު ވަނީ އެތައް ފަހަރެއްގެ މަތީން މަރާމާތު ކޮށް ޒަމާނީ ކޮށްފައި.

ކެޕޭސިޓީ: 51000