ޔޫއެފާ ޔޫރޯ 2024ގެ އަށްވަނަ މެޗުގައި ރުމޭނިއާއާއި ޔޫކްރެއިން ވާދަކުރާ ގްރޫޕް ސްޓޭޖު މެޗުގެ ލައިވް ބްލޮގަން "ވަން ސްޕޯޓްސް"ގެ ކިޔުންތެރިންނަށް މަރުހަބާ!

މިއީ ދެ ގައުމުންވެސް މިފަހަރުގެ ޔޫރޯގައި ކުޅޭ ފުރަތަމަ މެޗު. ރުމޭނިއާއިން މުބާރާތަށް އައީ ކޮލިފިކޭޝަން ގްރޫޕްގައި ރަނގަޅު ނަތީޖާތަކެއް ނެރެގެން. އަނެއްކޮޅުން ޔޫކްރެއިން ޕްލޭ އޮފް ކުޅެގެން އައިއިރު، އެގައުމުގައި މިވަގުތު ހަނގުރާމަ އޮތްކަން އެއީ މެޗުގެ ކުރިން އެންމެ ބޮޑަށް ދެކެވުނު ވާހަކަ. ކުޅުންތެރިންނާއި ކޯޗުން ބުނީ ހަނގުރާމައިގެ ސަބަބުން ލިބެނީ ހިތްވަރު ކަމަށް.

  • ރާޑޫ ޑްރަގުޝަން - ރުމޭނިއާ

އުމުރު: 22 އަހަރު

ކްލަބު: ޓޮޓެންހަމް

ރާޑޫ ޑްރަގުޝަންއަކީ އިސްކޮޅުން ދިގު، ފިޒިކަލް ޑިފެންޑަރެއް. 2022 ވަނަ އަހަރުން ފެށިގެން ރޮމޭނިއާ ގައުމީ ޓީމަށް ކުޅެމުން އަންނަ ޑްރަގުޝަންއަކީ އެގައުމުގެ އެންމެ އަގު ބޮޑު ފުޓުބޯޅަ ކުޅުންތެރިޔާ. މިއަހަރު ޖެނުއަރީ މަހު އިޓަލީގެ ޖެނޯއާއިން ޑްރަގުޝަން ޓޮޓެންހަމްއަށް ބަދަލުވީ 21.5 މިލިއަން ޕައުންޑްގެ ޓްރާންސްފާއެއްގައި. ޑްރަގުޝަންގެ ސީނިއާ ކެރިއަރު ފެށުނީ އިޓަލީން. ރޮމޭނިއާގެ ޒުވާން ޓީމުތަކަށް ޑްރަގުޝަން ކުޅެން ފެށުމާއެކު ޔުވެންޓަސް އެކަޑެމީން އޭނާ ގެންދިޔަ. އަދި އޭގެފަހުން 2020 އިން 2023 އަށް ޑްރަގުޝަން ހޭދަކުރީ ޔުވެންޓަސް ސީނިއާ ޓީމުގައި. އެ ދުވަސްތަކުގައި ލޯނު ދަށުން ސަމްޕަޑޯރިއާއާއި ސަލާނިޓާނާއަށްވެސް ކުޅުނު.

  • މިހައިލޯ މުޑްރީކް - ޔޫކްރެއިން

އުމުރު: 23 އަހަރު

ކްލަބު: ޗެލްސީ

އިނގިރޭސި ޕްރިމިއާ ލީގުގެ ޗެލްސީއަށް ކުޅެމުންދާ ދުވެލި ބާރު، ހަލުވި ވިންގް މިހައިލޯ މުޑްރީކަކީ މިހާރު ޔުކްރޭނަށް އެންމެ ބޭނުންތެރި ކުޅުންތެރިޔާ. މުޑްރީކް ގައުމީ ޓީމަށް ކުޅެން ފެށީ، 2022 ވަނަ އަހަރުއެވެ. އެފަހުން އޭނާ 18 މެޗު ކުޅެފައިވާ އިރު، މިފަހަރުގެ ޔޫރޯއަށް ނުކުންނާނީ ރަނގަޅު ފޯމެއްގައި. ހާއްސަކޮށް ޔުކްރެއިން ގައުމީ ޓީމަށް އޭނާ މުހިއްމެވެ، ކޮލިފިކޭޝަންގެ ފަހު މެޗުގައި އައިސްލޭންޑް ކޮޅަށް މޮޅުވި ގޯލު ޖެހީވެސް މުޑްރީކް. މުޑްރީކް، 2018 ވަނަ އަހަރުން 2023 ވަނަ އަހަރަށް ކްލަބު ކެރިއަރުގެ ބޮޑުބައެއް ހޭދަކުރީ ޔުކްރެއިންގެ ޝަކްތާ ޑޮނެސްކްގައި. އެ ކްލަބަށް ފަހު މުޑްރީކް ޗެލްސީއާ ގުޅުނީ ބޮޑު އަގެއްގައި.