ޔޫރޯ 2024ގެ ދެވަނަ މެޗުގައި ގްރޫޕް އޭގެ ހަންގޭރީއާއި ސްވިޒަލޭންޑް ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މިއީ ދެ ޓީމުންވެސް މިއަހަރުގެ ޔުރޯގައި ކުޅޭ ފުރަތަމަ މެޗު. މިއަދުގެ މެޗަށް ހަންގޭރީއާއި ސްވިޒަލޭންޑް ނުކުންނަ އިރު، އެ ގްރޫޕްގައި ރޭ ޖަރުމަނުން ކުޅުނު މެޗުގައި އެޓީމުން ވަނީ ބޮޑު ތަފާތަކުން ސްކޮޓްލޭންޑް ބަލިކޮށްފައި.

  • މާކޯ ރޮސީ - ހަންގޭރީ

"އަހަރެމެން މި ޔޫރޯއަށް ކޮލިފައިވީ ނަސީބަކުން ނޫން. އަހަރެމެންނަށް ހައްގު ޔޫރޯގައި ކުޅެން. އަހަރެމެން ކުޅޭނީ އެ ރޫހުގައި. އަހަރެމެންގެ ސަޕޯޓަރުންނަށް ހިތްހަމަޖެހުން ގެނެސްދޭން. ގްރަނިޓް ޒަކާގެ ކެރިއަރަށް އެކަނި ވިސްނާލިޔަސް އެނގޭނެ ފެންވަރު. އޭނާ މިދިޔަ ސީޒަނުގައި ޖަރުމަނު ލީގު ކާމިޔާބުކޮށް، ޔޫރޮޕާ ފައިނަލަށްވެސް ދިޔަ. އެއީ ސްވިޒަލޭންޑްގެ އިންޖީން. އޭގެ އިތުރުންވެސް މެނުއަލް އަކާންޖީއާއި ވާގަސް ފަދަ ކުޅުންތެރިންނަކީ ވަރަށް ވަރުގަދަ ކުޅުންތެރިން. ހާއްސަކޮށް ސްވިޒަލޭންޑްގެ ޑިފެންސް ރަނގަޅު،"

  • މުރާތު ޔަކިން - ސްވިޒަލޭންޑް

"އަހަރެމެން ކުޅެން މަސައްކަތް މި ކުރާ ގޭމް ކުޅެން ޖެހޭނީ، އެހެން ވިސްނުންތަކެއް ގެނެސްގެން ބަދަލުތަކެއް ގެންނަން އުޅުން ރަނގަޅެއް ނުވާނެ. އިތުބާރާ އެކު ކުޅެ މޮޅުވުން އޮތީ. ހަންގޭރީގެ ފެންވަރާ މެދު އެއްވެސް ސުވާލެއް ނެތް. އެޓީމަކީ ވަރަށް ޓަފް ޓީމެއް. ޔަގީންނުންވެސް މެޗު ފަސޭހަ ނުވާނެ،"