ޔޫރޯ 2024ގެ ފުރަތަމަ މެޗުގައި ހޯސްޓް ޖަރުމަނާއި ސްކޮޓްލޭންޑް ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މިރޭގެ މެޗަކީ ދެ ޓީމަށްވެސް މުހިއްމު މެޗަކަށްވާނެ. އެއީ ޔޫރޯ 2024 ހުޅުވާ މެޗަށްވުމުން. ޖަރުމަނުން އަމިއްލަ ސަޕޯޓަރުން ކުރިމަތީ މޮޅަކުން ފަށަން ކެތްމަދުވެފައި އޮތް އިރު، ސްކޮޓްލޭންޑުން ބޭނުންވާނީ ޖަރުމަނު އަމިއްލަ ފަސްގަނޑުގައި ބަލިކުރަން. މެޗު ޖަރުމަނުގައި ކުޅޭ ނަމަވެސް، ސްކޮޓިޝް ސަޕޯޓަރުން ދަނީ ދަނޑުގައި އަޑު ގުގުމަމުން.

  • ޖޫލިއަން ނަގެލްސްމަން - ޖަރުމަނު

"މިއީ ޖަރުމަނުން ޔޫރޯއެއް ހޯސްޓް ކުރާ ދެވަނަ ފަހަރު. ކުޅުންތެރިންނާއި އަހަންނަށްވެސް އަމިއްލަ ފަސްގަނޑުގައި މުބާރާތަށް ނުކުތުމަކީ މުޅިން ތަފާތު އާ ތަޖުރިބާއެއް. އަދި ފުރުސަތެއް. އެކަމުގައި ޓީމަށް ޕްރެޝަރު ބޮޑު. އެހެން ނަމަވެސް، ދަނޑުމަތީގައި ހިތްހަމަ ޖެހިގެން ކުޅެން ޖެހޭ. މިއީ ޖަރުމަނަށް އުފާވެރި މުބާރާތަކަށް ހަދަން ތައްޔާރު،"

  • ސްކޮޓްލޭންޑްގެ ކޯޗު - ސްޓީވް ކްލާކް

"މިދިޔަ ހަތަރު ވަރަކަށް އަހަރު ދުވަހުން އަހަންނަށް ގައުމީ ޓީމަށް ގެނެވުނު އެންމެ ބޮޑު ބަދަލަކީ ސްކޮޓްލޭންޑްގެ ފުޓުބޯޅަ ޓީމުގެ މި ދަތުރުގައި ސަޕޯޓަރުން ބައިވެރިކުރުވުން. ޓާޓަން އާމީންގެ ނަމުން މަގުބޫލު ސްކޮޓްލޭންޑްގެ ސަޕޯޓަރުން މިހާރު ތިބީ ޓީމުގެ ފަހަތުގައި. ޖަރުމަނާ ދެކޮޅަށް ނުކުތް ނަމަވެސް، އަހަރެމެންގެ ވިސްނުން ބަދަލުނުކުރާނަން. ލިބޭ ފުރުސަތުތަކުގެ ފައިދާ ނަގަން ބޭނުން،"