މީހަކު ރަހީނުކޮށް އަނިޔާ ކުރުމުގެ ތުހުމަތުގައި ބިދޭސީއަކު ހައްޔަރުކޮށްފިއެވެ.

މި މައްސަލައިގައި ހައްޔަރުކޮށްފައިވަނީ ބަންގްލަދޭޝް މީހެއް ކަމަށްވާ މުހައްމަދު އާރިފް ހޮސައިން، 37 އ، އެވެ.

ކުރިމިލަން ކޯޓުން އިއްޔެ ވަނީ އޭނާގެ ބަންދަށް 15 ދުވަސް ޖަހައިފައެވެ.

ކުރިމިނަލް ކޯޓުގެ ބަންދު އަމުރުގައި ބުނެފައިވަނީ އޭނާ އާއި އަދި އިތުރު ބަޔަކު ވެގެން، މީހަކު ރަހީނުކޮށް އަނިޔާވެރި އަމަލުތަކެއް ހިންގާފައިވާތީ، އޭނާއަކީ މުޖުތަމައަށް ނުރައްކާތެރި ފަރާތެއް ކަމަށް ބެލެވޭ ކަމަށެވެ. އަދި އޭނާއަކީ ގަވާއިދާ ހިލާފަށް އުޅޭ މީހަކަށްވާތީ، ރާއްޖޭން ބޭރަށް ފިލައިގެން ދިޔުމުގެ އިހުތިމާލު ވެސް އެބަ އޮތް ކަމަށް އަމުރުގައިވެއެވެ.