ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ހުޅުމާލޭ ރައްޔިތުންނަށް ހާއްސަ އާއިލީ ހަވީރެއް މާދަމާ ބޭއްވުމަށް ނިންމައިފިއެވެ.

އެޗްޑީސީން މިއަދު ބުނީ ހުޅުމާލޭގައި ދިރިއުޅޭ ރައްޔިތުންނަކީ އެއްބަޔަކު އަނެއްބަޔަކާ ގުޅިގެން އެކުގައި އުޅޭ މުޖުތަމައެއްގެ ގޮތުގައި ބިނާކުރުމަކީ އެ ކުންފުނިން އަބަދުވެސް އެދޭކަމެއް ކަމަށެވެ.

އެކަން ކަށަވަރުކުރުމަށް ޓަކައި ހުޅުމާލޭގެ ރައްޔިތުންނަށް ހާއްސަ އާއިލީ ހަވީރެއް ބޭއްވުމަށް ނިންމާފައިވާ ކަމަށް އެޗްޑީސީން ބުންޏެވެ.

އާއިލީ ހަވީރު ބާއްވަން ހަމަޖެހިފައި ވަނީ މާދަމާ ހަވީރު 16:00 އިން 18:00 އަށް ހުޅުމާލެ ދެވަނަ ފިޔަވަހީގެ ބާބަކިއު ބީޗު ސަރަހައްދުގައިކަމަށް އެޗްޑީސީން ބުންޏެވެ.