މި އަހަރު ރާއްޖޭން މީހުން ހައްޖަށް ގެންދަން 11 ކުންފުންޏަކުން ބިޑް ހުށަހަޅާފައިވާ ކަމަށް އިސްލާމިކް މިނިސްޓްރީން ބުނެފިއެވެ.

އިސްލާމިކް މިނިސްޓްރީން މިއަދު ބުނީ މި އަހަރު ރާއްޖޭން މީހުން ހައްޖަށް ގެންދިއުމަށް ބޭނުންވާ ފަރާތްތަކަށް ހުޅުވާލި ފުރުސަތުގައި ބިޑް ހުށަހެޅީ 11 ކުންފުންޏަކުން ކަމަށާއި އޭގެ ތެރެއިން ހުއްދަ ދޭނީ އެންމެ މަތިން ޕޮއިންޓް ލިބުނު ތިން ކުންފުންޏަށް ކަމަށެވެ.

އޭގެ ތެރެއިން ކޮންމެ ކުންފުންޏަކަށް ދޫކުރާނީ 90 ކޯޓާއެވެ. މި އަހަރު ރާއްޖެއިން ހައްޖަށް މީހުން ގެންދިއުމަށް ލިބިފައިވަނީ 1000 ކޯޓާއެވެ. މިދިޔަ އަހަރު ލިބުނީ 453 ކޯޓާއެވެ.