ނޭޝަނަލް މެންޓަލް ހެލްތު ޑިޕާޓްމަންޓުގެ ނަމުގައި އިދާރާއެއް އުފައްދައިފި

ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު، "ނޭޝަނަލް ހެލްތު ޑިޕާޓްމެންޓް"ގެ ނަމުގައި ސަރުކާރުގެ އިދާރާއެއް މިއަދު އުފައްދަވައިފިއެވެ.

ރައީސް ސޯލިހު ނޭޝަނަލް ހެލްތު ޑިޕާޓްމެންޓް އުފެއްދެވީ "ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީ" ގެ ދަށުން ރައީސުލްޖުމްހޫރިއްޔާއަށް ލިބިވަޑައިގަންނަވާ އިހުތިޔާރުގެ ދަށުންނެވެ. ނޭޝަނަލް ހެލެތު ޑިޕާޓްމެންޓް ހިންގާނީ ހެލެތު މިނިސްޓްރީގެ ދަށުން ކަމަށް ރައީސް ސޯލިހު ވަނީ ކަނޑައަޅުއްވައިފައެވެ.

ނޭޝަނަލް ހެލެތު ޑިޕާޓްމެންޓަކީ ނަފުސާނީ ދުޅަހެޔޮކަން ކުރިއަރުވައި، ނަފުސާނީ ދުޅަހެޔޮކަމަށް މުޖުތަމައު އަހުލުވެރިކޮށް، ނަފުސާނީ ސިއްހަތުގެ ދާއިރާއިން ހިންގާ ޕްރޮގްރާމުތައް ކަނޑައެޅުމަށް އުފެއްދި އިދާރާއެކެވެ. އަދި ނަފުސާނީ ސިއްހަތުގެ ދާއިރާގެ ސިޔާސަތުތަކާއި ލަނޑުދަނޑިތައް ހާސިލުކުރުމަށް ހިންގާ ޕްރޮގްރާމުތަކާއި ކުރެވޭ މަސައްކަތްތައް ވިލަރެސްކޮށް، ސިއްހީ ހިދުމަތްދޭ ސަރުކާރުގެ ތަންތަނުން ނަފުސާނީ ސިއްހަތުގެ ހިދުމަތްތައް ފޯރުކޮށްދޭކަން ކަށަވަރުކުރުމަކީ ވެސް ނޭޝަނަލް ހެލްތު ޑިޕާޓްމެންޓް އުފެއްދި މަގުސަދުތަކުގެ ތެރޭގައި ހިމެނޭ ކަމެކެވެ.

މީގެ އިތުރުން ނަފުސާނީ ސިއްހަތާ ގުޅުން ހުރި މަސައްކަތްތައް ކުރާ އަމިއްލަ ފަރާތްތަކާއި ޖަމިއްޔާތަކާ ގުޅުން ބަދަހިކޮށް އެ ފަރާތްތަކުގެ އެއްބާރުލުން ހޯދައި، އެފަރާތްތަކުން ކުރާ މަސައްކަތްތަކަށް ބޭނުންވާ ފަންނީ އެހީތެރިކަމާއި ލަފާދިނުމަކީ އެ އިދާރާ އުފެއްދި އެއް މަގުސަދެވެ.

ނޭޝަނަލް މެންޓަލް ހެލްތު ޑިޕާޓްމަންޓުގެ މަސައްކަތްތައް: