ގަތަރު ވޯލްޑް ކަޕް 2022 ގެ ގްރޫޕް އެޗްގެ ހަތަރުވަނަ މެޗުގައި ޕޯޗުގަލާއި އުރުގުއާއީ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މެޗަށް ނުކުންނަ އިރު ޕޯޗުގަލް އޮތީ ގްރޫޕް ސްޓޭޖުގައި ފުރަތަމަ ކުޅުނު މެޗުގައި 3-2 އިން ގާނާ ބަލިކޮށްފައި. އެ މެޗުގައި ގޯލު ޖަހައި ރޮނާލްޑޯ ވެފައިވަނީ ފީފާ ވޯލްޑް ކަޕްގެ ތާރީހުގައި ފަސް މުބާރާތެއްގައި ގޯލު ޖެހި ހަމައެކަނި ކުޅުންތެރިޔާއަށް. އަނެއްކޮޅުން ނުކުންނަ ދެފަހަރުގެ ޗެމްޕިއަން އޮތީ ފުރަތަމަ މެޗުގައި ދެކުނު ކޮރެއާ ކައިރިން އެއްވަރުވެފައި.

މެޗުން މޮޅުވެ، ޕޯޗުގަލަށް ގަދަ 16 ޔަގީން ކުރެވޭނެ. އުރުގާއާއީ އުންމީދު ބޮޑުކުރަން މޮޅެއް މުހިއްމު.

އެންމެފަހުން ކުޅުނު ވޯލްޑް ކަޕް 2018 ގައި ކުއާޓާ ފައިނަލުގައި ވާދަކުރަން ޖެހުނީ ޕޯޗުގަލާއި އުރުގުއާއީ، މެޗު 2-1 އިން ކާމިޔާބުކުރީ އުރުގުއާއީ. އެ މެޗުގައި ޕޯޗުގަލްގެ ގޯލު ޕެޕޭ ޖަހައިދިން އިރު، އުރުގުއާއީގެ ދެ ގޯލުވެސް ޖަހައިދިނީ އެޑިސަން ކަވާނީ. އުރުގުއާއީ އިން ވޯލްޑް ކަޕުގައި ކުޅުނު ފުރަތަމަ މެޗުގެ ފުރަތަމަ 11 އަށް ކަވާނީ ނުކުތް ނަމަވެސް، މިރޭގެ މެޗުގައި 11 ގައި އޭނާ ހިމަނާފައިވޭ.