ގަތަރު ވޯލްޑް ކަޕް 2022 ގެ ގްރޫޕް އޭގެ ހަތަރު ވަަނަ މެޗުގައި ނެދަލޭންޑްސް އާއި އެކުއެޑޯ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މި ދެޓީމުންވެސް ވޯލްޑް ކަޕްގެ ގްރޫޕް ސްޓޭޖުގައި ކުޅުނު ފުރަތަމަ މެޗުން އޮތީ މޮޅުވެފައި. ނެދަލޭންޑްސްއިން ފުރަތަމަ މެޗުގައި ސެނެގާލް ބަލިކުރީ 2-0 ގެ ނަތީޖާއަކުން. އެ މެޗުގައި ނެދަލޭންޑްސްގެ ގޯލުތައް ފަހުވަގުތު ޖަހައިދިނީ ކޯޑީ ގަޕްކޯއާއި ޑޭވީ ކްލާސެން. އެކުއެޑޯ ވަނީ މުބާރާތް ހުޅުވި މެޗުގައި ހޯސްޓް ގަތަރު ބަލިކޮށްފައި. އެ މެޗުގައި އެކުއެޑޯވެސް މޮޅުވީ 2-0 އިން. މެޗުގައި ދެ ގޯލުވެސް ޖެހީ ކެޕްޓަން އެނަ ވެލެންސިއާ.

"އެކުއެޑޯގައި އެބަތިބި ނަތީޖާ ބަދަލުރަން އެނގޭ، ސްމާޓް ކުޅުންތެރިން. އެހެންވީމާ ސެނެގާލަށް ވުރެ އުނދަގޫވާނެ ކަމަށް ބަލައިގެން ފޯކަސް ރަނގަޅުކޮށްގެން މި ނުކުންނަނީ. މިއީ ޗެލެންޖެއް މެޗެއް ނަމަވެސް އުންމީދު އެބައޮތް"

"ގަތަރު ކައިރިން މޮޅެއް ހޯދުނު ނަމަވެސް، ޓީމުން އެބަޖެހޭ ކުޅުން ރަނގަޅުކުރަން. ވޯލްޑް ކަޕް ދަތުރު ކުރިއަށްގެންދަން މެޗު މުހިއްމު. އެހެންވީމަ ކުޅުން ރަނގަޅުކޮށް މޮޅަކަށް ނުކުންނާނީ. މެޗުގައި ގޯލު ޖެހީ ވެލެންސިއާ އެރޭގެ މެޗުން ބޭލީ އަނިޔާވެގެން ނަމަވެސް މި މެޗަށް ނުކުންނާނީ ފިޓްކޮށް. އެއީ ކޮލިޓީ ކުޅުންތެރިއެއް، އެ ކޮލިޓީ މިރޭވެސް ފެންނާނެކަމަށް އުންމީދުކުރަނީ،"