ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، ނުރަސްމީ ދަތުރުފުޅެއްގައި ސިންގަޕޫރަށް ފުރާވަޑައިގެންފިއެވެ.

އެ ދަތުރުފުޅާ ގުޅޭ އިތުރު އެއްވެސް މައުލޫމާތެއް ރައީސް އޮފީހަކުންވެސް ހާމައެއް ނުކުރެއެވެ. އަދި ދަތުރުފުޅަށްފަހު އެނބުރި ރާއްޖެ ވަޑައިގަންނަވާނެ ދުވަހެއްވެސް ނުބުނެއެވެ.

ރައީސް ސޯލިހާއި އަނބިކަނބަލުން ފަޒްނާ އަހުމަދު ވަނީ މިއަހަރުގެ އޭޕްރިލް މަހުގެ ތެރޭގައިވެސް ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންފައެވެ. އަދި މިއަހަރުގެ ފެބްރުއަރީ މަހުގައިވެސް ސިންގަޕޫރަށް ވަޑައިގެންނެވިއެވެ.