ސައިރެން އަޅައިގެން ދުއްވާފައި ދިޔަ އެމްބިއުލާންސެއް އެކްސިޑެންޓް ވެއްޖެއެވެ.

ފުލުހުންގެ މީޑިއާ އޮފިޝަލް މިރޭ "ވަން" އަށް ވިދާޅުވީ، އޯކިޑް މަގުން ދުއްވާފައި ދިޔަ އެމްބިއުލާންސެއް އެމަގުގައި ޕާކު ކޮށްފައި ހުރި ސައިކަލުތަކެއްގައި ޖެހި އެކްސިޑެންޓް ވެފައިވާކަމުގެ މައުލޫމާތު މިރޭ 7:55 ހާއިރު ލިބިފައިވާ ކަމަށެވެ.

އެ އެކްސިޑެންޓުގައި މީހަކަށް އަނިޔާއެއް ލިބިފައިނުވާ ކަމަށް ފުލުހުން މައުލޫމާތުދެއެވެ. ނަމަވެސް ސައިކަލުތަކަށް ލިބުނު ގެއްލުމުގެ ތަފްސީލެއް ފުލުހުން ހާމަކޮށްފައެއް ނުކުރެއެވެ.

ފުލުހުން ބުނީ އެކްސިޑެންޓާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.