ކޮމަންޑޫ ދާއިރާއަށް ހަންނާންގެ ގިނަ ވައުދުތަކެއް، ދާއިރާގެ ރައްޔިތުންނަށް އިންޓްރެސްޓު ފްރީ ލޯނު ދޭނަން: ހަންނާނު

"ފުދުންތެރި ފަންޑުގެ" ނަމުގައި ދެ މިލިއަން ރުފިޔާގެ ފަންޑެއް ހަދައި އެފަންޑުން ފުދުންތެރި ރައްޔިތުން ބިނާކުރުމަށް އިންޓްރެސްޓު ފްރީ ލޯނު ދޫކުރާނެ ކަމަށް ކޮމަންޑޫ ދާއިރާއަށް މޯލްޑިވްސް ނެޝަނަލް ޕާޓީ (އެމްއެންޕީ)ން ވާދަކުރާ އަބްދުލް ހަންނާނު އިދުރީސް ވިދާޅުވެއްޖެއެވެ.

ހަންނާންގެ ވައުދުތައް އިއުލާނުކުރުމަށް އެމްއެންޕީން ރޭ ބޭއްވި ޖަލްސާގައި ވާހަކަ ދައްކަވަމުން ހަންނާނު ވިދާޅުވީ، ދެ މިލިއަން ރުފިޔާގެ އިންޓްރެސްޓު ފްރީ ލޯނު ފަންޑެއް ގާއިމުކުރާނީ ރައްޔިތުން މަޖިލީހުން މުސާރައިގެ ގޮތުގައި ލިބޭ ފައިސާއިން ކަމަށެވެ. ހަންނާނު ވިދާޅުވީ، އޭނާ ވަނީ މުޅި ދާއިރާ ހިމެނޭހެން ދާއިރާގެ ވަކި ރަށްތަކަށް ވެސް ވައުދުވެފައި ކަމަށެވެ. އަދި މެނިފެސްޓޯގައި ނުފުއްދޭނެ ވައުދެއް ނޫނީ ނުކޮށްދެވޭނެ ވަރުގެ ކަމެއް ނޯންނާނެ ކަމަށެވެ.

ހަންނާނު ވިދާޅުވީ އޭނާ މަޖިލިހަށް ކުރިމަތިލަނީ ދާއިރާގައި ހުރި ވަސީލަތްތައް ބޭނުން ކޮށްގެން ރައްޔިތުންނަށް ނަފާ ހޯދައިދިނުމަށް ކަމަށެވެ.

ހަންނާނު ވިދާޅުވީ، ކޮމަންޑޫގެ ދެކުނުގައި އޮތް ދިގުވެލިދޫގައި އެއާޕޯޓެއް ހަދައިދިނުމަކީ އޭނާގެ ވައުދެއް ކަމަށެވެ. އެ ވާހަކަ ކޮންމެ ބަޔަކު ދެއްކިޔަސް އެ ހަގީގަތް ބަދަލު ނުވާނެ ކަމަށެވެ.

ކޮމަންޑޫ ދާއިރާއަށް ހަންނާނު ވެފައިވާ ވައުދުތައް:

ކޮމަންޑޫއަށް ހަންނާނުވި ވައުދުތައް:

ފޯކައިދޫއަށް ހަންނާނުވި ވައުދުތައް:

މަރޮށްޓަށް ހަންނާނުވި ވައުދުތައް:

ހަންނާނުއަކީ ތައުލީމީ ދާއިރާގައި ގިނަ އަހަރުތަކެއް ވަންދެން މަސައްކަތްކުރުމަށްފަހު މިހާރު އަމިއްލަ ވިޔަފާރި ހިންގުމުގައި އުޅުއްވާ ބޭފުޅެވެ. އެމްއެންޕީ އުފެއްދުމަށް އެންމެ ފުރަތަމަ ސޮއި ކުރެއްވި ބޭފުޅުންގެ ތެރޭގައި ހަންނާން ހިމެނެއެވެ.