ކާޑޭޝިއަން އާއިލާގެ ކްލޯއީ ކާޑޭޝިއަން އަދި އޭނާގެ ތުއްތު ދަރިފުޅު ޓްރޫ ކޮވިޑަށް ޕޮސިޓިވްވެއްޖެއެވެ.

ކީޕިން އަޕް ވިތު ދަ ކާޑޭޝިއަންގެ ތަރި ކްލޯއީ މިކަން އާންމުކޮށް އިއްޔެ ވަނީ ޓުވީޓެއް ކޮށްފައެވެ.

ކްލޯއީ އަށް ކޮވިޑު ޖެހުނު މިއީ ދެވަނަ ފަހަރެވެ. މީގެ ކުރިން 2020 ވަނަ އަހަރު އޭނާއަށް ކޮވިޑު ޖެހުނުކަން ހާމަކުރީ ކާޑޭޝިއަން ރިއޭލިޓީ ޝޯގެ ތެރެއިންނެވެ. އެފަހަރު އޭނާ ބުނިގޮތުގައި ބަލީގައި އޭނާއަށް ވަނީ ވަރަށް ބޮޑުވަރު ވެފައެވެ.

ދެވަނަ ފަހަރަށް ކޮވިޑު ޖެހުނު ހަބަރު އިއްޔެ ހިއްސާކުރިއިރު ކްލޯއީ ބުނެފައިވަނީ ބަލިން ރައްކާތެރިވުމަށް މިފަހަރު އޭނާ ވަނީ ވެކްސިން ފުރިހަމަކޮށްފައި ކަމަށާއި އެގޮތުން ބަލީގައި މާ ބޮޑުވަރު ނުވާނެ ކަމަށް އުއްމީދުކުރާކަމަށެވެ.