ހުޅުމާލޭ ދެވަނަ ފިޔަވަހީގައި ހަދާ ޑިންގީ ހަޓްގެ މަސައްކަތުގެ 50 ޕަސަންޓް ނިންމާލައިފިއެވެ.

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނީ، ކުދި އުޅަނދުތައް ފަސޭހަކަމާއެކު އެހެލައި، މަރާމާތުކުރުމަށް ހަދާ ޑިންގީ ހަޓުގެ މިހާރު ކުރަމުން އަންނަނީ ހިޔާ ކުރުމުގެ މަސައްކަތް ކަމަށެވެ.

ޑިންގީ ހަޓްގެ މަސައްކަތް ނިންމާލުމަށް، އެޗްޑީސީން އަމާޒު ހިފާފައިވަނީ އަންނަ މަހުގެ 15 އަށެވެ.

އެ ހަޓްގެ މަސައްކަތް ނިމުމުން އެތަނުގައި ކުދި އުޅަނދުތައް ފަސޭހަކަމާއެކު މަރާމާތު ކުރެވޭނެ ކަމަށް އެޗްޑީސީން ބުންޏެވެ.