ޔޫރޯ 2020ގެ ކުއާޓާ ފައިނަލުގައި އިޓަލީއާއި ބެލްޖިއަމް ވާދަކުރާ މެޗުގެ ލައިވް ކަވަރޭޖްއަށް "ވަން"ގެ ކިޔުންތެރިންނަށް މަރުހަބާ!

އިޓަލީއާއި ބެލްޖިއަމްއަކީ މިހާތަނަށް މުބާރާތުގައި އެންމެ ރަނގަޅު ކުޅުމެއް ދައްކާފައިވާ ދެޓީމު. އެޓީމުންވެސް މިހާތަނަށް މުބާރާތުގައި ކުޅުނު ހުރިހާ މެޗަކުން ވަނީ މޮޅުވެފައި. އިޓަލީން ގަދަ 16 ގައި އޮސްޓްރިއާ ބަލިކުރީ އިތުރު ވަގުތުގައި ދެ ގޯލް ޖަހައިގެން. ބެލްޖިއަމްއިން ގަދަ 16 ގައި އެންމެފަހުގެ ޗެމްޕިއަން ޕޯޗުގަލް ބަލިކޮށްފައިވާއިރު، އެޓީމުން މެޗުން މޮޅުވީ 1-0 ގެ ނަތީޖާއަކުން.

މިރޭގެ މެޗަށް ދެޓީމު ނުކުންނާނީ ޖަރުމަނުގެ އެލިއާންޒް އެރީނާގައި.

  • ސްޓޭޑިއަމް : އެލިއާންޒް އެރީނާ
  • ސަޕޯޓަރުންގެ ޖާގަ: 70،000 މީހުން
  • އުސޫލުތަކާއެކު ސަޕޯޓަރުން ވެއްދޭނެ ކަމަށް ބުނެފައިވާ އަދަދު: 14،500 (20 ޕަސެންޓް)
  • ޖަރުމަނުގެ އެންމެ ކާމިޔާބު ކްލަބު ބަޔާން މިއުނިކްގެ ހޯމް ސްޓޭޑިއަމް
  • 2005 ބިނާކޮށް ނިމުނު ސްޓޭޑިއަމްގައި 2006 ވަނަ އަހަރުގެ ވޯލްޑް ކަޕް މެޗުތައް ކުޅެފައިވޭ
  • ސްޓޭޑިއަމްގެ ޗާލުކަން އޮސްޓްރިއާގެ އުސް ސަރަހައްދުތަކަށް ރޭގަނޑު ފެންނާނެ
  • އިޓަލީ
  • ރޮބާޓޯ މަންޗިނީ
  • އުމުރު: 56 އަހަރު
  • މަންޗިނީގެ ކޯޗިން ކެރިޔަރު ފަށާފައިވަނީ 2001 ވަނަ އަހަރު އިޓަލީގެ ފިއޮރެންޓީނާ އިން.
  • އޭގެ ފަހުން އޭނާ ވަނީ ލާޒިއޯ، އިންޓަ މިލާން، އިނގިރޭސިވިލާތުގެ މެންޗެސްޓާ ސިޓީ، ތުރުކީގެ ގަލަތަސަރާއީ އަދި ޒެނިތު ސެއިންޓް ޕީޓާސްބާގަށް ވެސް އިރުޝާދުދީފައި.
  • އޭނާ އިޓަލީގެ ކޯޗުކަމާ ހަވާލުވީ 2018 ވަނަ އަހަރު.
  • މަންޗިނީގެ ކޯޗިން ކެރިއަރުގައި އޭނާ ވަނީ ގިނަ ކާމިޔާބީތަކެއް ހޯދައިފައި.
  • ބެލްޖިއަމް
  • ރޮބާޓޯ މާޓިނޭޒް
  • އުމުރު: 47 އަހަރު
  • ސްޕެއިނަށް އުފަން ރޮބާޓޯ މާޓިނޭޒް ވަނީ ބެލްޖިއަމްގެ ކޯޗުކަމާ ހަވާލުވުމުގެ ކުރިން އިނގިރޭސިވިލާތުގެ ސްވަންސީ ސިޓީ އާއި ވިގަން އެތުލެޓިކް އަދި އެވަޓަންއަށް އިރުޝާދު ދީފައި.
  • ބެލްޖިއަމްއާ 2016 ވަނަ އަހަރު ހަވާލުވުމަށްފަހު، ވޯލްޑް ކަޕް 2018ގައި މާޓިނޭޒް ވަނީ އެޓީމަށް ތިންވަނަ ހޯދައިދީފައި.
  • ބެލްޖިއަމްގެ ވޯލްޑް ކަޕް ތާރީހުގައި އެޓީމުން ހޯދި އެންމެ ބޮޑު ކާމިޔާބަކީ ވެސް އެއީ.