ޔޫރޯ 2020 ގެ ގަދަ 16 ގައި ނެދަލޭންޑްސްއާއި ޗެކު ރިޕަބްލިކް ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

ނެދަލޭންޑްސްއިން ގަދަ 16 އަށް ދިޔައީ ގްރޫޕް ސްޓޭޖުގައި ކުޅުނު ހުރިހާ މެޗަކުން މޮޅުވެ، ގްރޫޕް ސީގެ އެއްވަނަ ޓީމުގެ ގޮތުގައި. އެޓީމުން ވަނީ އޮސްޓްރިއާ އާއި ޔޫކްރެއިން އަދި ނޯތު މެސަޑޯނިއާ ބަލިކޮށްފައި. ޗެކު ރިޕަބްލިކް ގަދަ 16 އަށް ދިޔައީ ގްރޫޕް ޑީގެ ތިންވަނަ ޓީމުގެ ގޮތުގައި. ގްރޫޕް ސްޓޭޖުގައި އެޓީމު ކުޅުނު ތިން މެޗުގެ ތެރެއިން ފުރަތަމަ މެޗުގައި ސްކޮޓްލޭންޑް ބަލިކުރި އިރު، ދެވަނަ މެޗުގައި ކްރޮއޭޝިއާއާ އެއްވަރުކުރި. އަދި ތިންވަނަ މެޗުގައި ވަނީ އިންގްލެންޑް އަތުން ބަލިވެފައި.

މިރޭގެ މެޗަށް ދެޓީމު ނުކުންނާނީ ބުޑަޕެސްޓްގެ ޕުސްކާސް އެރީނާގައި.

  • ނެދަލޭންޑްސް

ޔޫރޯގައި ނެދަލެންޑްސް ފާހަގަކޮށްލެވެނީ ވަރުގަދަ ޓީމެއްގެ ގޮތުގައި. އެޓީމު ވަނީ ޔޫރޯގައި ނުވަ ފަހަރު ވާދަކޮށްފައި. އޭގެ ތެރެއިން ވެސް ނެދަލެންޑްސްއަށް ކާމިޔާބު ކުރެވުނީ އެންމެ މުބާރާތެއް. އެއީ 1988 ވަނަ އަހަރު ޖަރުމަނުގައި ބޭއްވި ޔޫރޯ. އެއިރު އެޓީމުން ރޮނަލްޑް ކޫމަން، ރޫޑް ގުލިޓް އަދި މާކޯ ވެން ބަސްޓެން ފެނިގެންދިޔަ.

އޭގެ ފަހުން ވެސް ޔޫރޯގައި ނެދަލެންޑްސް ވިދާލި. އެގޮތުން ޔޫރޯ 1992، ޔޫރޯ 2000، ޔޫރޯ 2004ގެ ތިންވަނަ މަގާމު ހޯދި. އަދި ޔޫރޯ 1996 އާއި ޔޫރޯ 2008ގެ ކުއާޓާ ފައިނަލުގައި އެޓީމު ވާދަކުރި. ފަހުގެ ތާރީހެއްގައި ނެދަލެންޑްސްގެ އެންމެ މާޔޫސީ ދުވަސްތަކަކީ 2014 ގެ ފަސް. ވޯލްޑް ކަޕް 2014ގެ ތިންވަނަ ހޯދުމަށްފަހު އެޓީމަށް ޔޫރޯ 2016 އަދި ވޯލްޑް ކަޕް 2018 އަށް ކޮލިފައި ވެވިފައެއް ނުވޭ. އެ ދެ މުބާރާތަށް ނެދަލެންޑްސް ކޮލިފައިނުވުން ފުޓުބޯޅައިގެ މުޅި ދުނިޔެވެސް ފާހަގަކުރީ ބޮޑު ހައިރާންކަމެއްގެ ގޮތުގައި.

މިފަހަރުގެ ޔޫރޯއަށް ނެދަލެންޑްސް ކޮލިފައިވީ ގްރޫޕު ސީގެ ދެވަނައިގެ ގޮތުގައި. އެޓީމު ހިމެނުނީ ވަރުގަދަ ޖަރުމަނާ އެއް ގްރޫޕެއްގައި ކަމުން އުނދަގޫތަކަކާ ކުރިމަތިލާން ޖެހުނު. އެ ގްރޫޕުގެ އެއްވަނަ ހޯދީ ޖަރުމަނުން.

ގްރޫޕް ސްޓޭޖުގެ މެޗުތައް:

ނެދަލޭންޑްސް 3-2 ޔޫކްރެއިން

ނެދަލޭންޑްސް 2-0 އޮސްޓްރިއާ

ނެދަލޭންޑްސް 3-0 ނޯތު މެސަޑޯނިއާ

  • ޗެކު ރިޕަބްލިކް

ޗެކުސްލޮވޭކިއާ ދެ ފަޅިވެ ޗެކު ރިޕަބްލިކާއި ސްލޮވޭކިއާ އުފެދުނު ހިސާބުން ޗެކު ރިޕަބްލިކަކީ ވަކި ފުޓުބޯޅަ ޓީމެއްގެ ގޮތުގައި އުފެދިގެން ދިޔަ. އެގައުމުގެ ތާރީހުގައި، ޗެކު ރިޕަބްލިކްގެ ނަމުގައި ފުރަތަމަ ފަހަރަށް މެޗެއް ކުޅެފައި ވަނީ 23 ފެބުރުއަރީ 1994 ވަނަ އަހަރުގައި.

ޔޫރޯއަށް ކޮލިފައިވުމަށް 1996 ވަނަ ޗެކް ރިޕަބްލިކްގެ ފުރަތަމަ މެޗު ކުޅެފައިވާ އިރު، އެގައުމުން އެ އަހަރު ޔޫރޯގައި ވެސް ވާދަކޮށްފައިވޭ. މިހާތަނަށް ޔޫރޯގައި ހަތް ފަހަރެއްގެ މަތިން ވާދަކޮށްފައިވާ އިރު، ޗެކް ރިޕަބްލިކްގެ ނަމުގައި ލިބުނު އެންމެ ބޮޑު ކާމިޔާބީއަކީ 1996 ވަނަ އަހަރު މުބާރަތުގެ ފައިނަލް ކުޅުން. ޗެކް ރިޕަބްލިކްގެ ނަމުގައި ރަނަރަޕްކަން ލިބުނު ނަމަވެސް 1976 ވަނަ އަހަރު ޗެކުސްލޮވޭކިއާ ނަމުގައި ވަނީ ޔޫރޯ ހޯދައިފައި.

ގްރޫޕް ސްޓޭޖު މެޗުތައް

ޗެކު ރިޕަބްލިކް 2-0 ސްކޮޓްލޭންޑް

ޗެކު ރިޕަބްލިކް 1-1 ކްރޮއޭޝިއާ

ޗެކު ރިޕަބްލިކް 0-1 އިންގްލެންޑް