މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.
'78 - ސްކޮޓްލެންޑަށް ރަނގަޅު ފުރުސަތެއް. ރޮބާޓްސަން ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ އެޑަމްސް ފޮނުވާލި ހަމަލާ، އިންގްލެންޑްގެ ގޯލާ އަމާޒުވެފައެއް ނުވޭ.
'74 - އިންގްލެންޑަށް ފުރުސަތެއް. މައުންޓް ދިން ރީތި ބޯޅައަކުން ޕެނަލްޓީ އޭރިއާ ތެރެއިން ލޫކް ޝޯ ފޮނުވާލި ހަމަލާ، ސްކޮޓްލެންޑްގެ ގޯލާ އަމާޒުވެފައެއް ނުވޭ.
'62 - ސްކޮޓްލެންޑްގެ ނުރައްކާތެރި ހަމަލާއެއް. ކޯނަރެއްގެ ތެރެއިން ލިބުނު ބޯޅައަކުން ޕެނަލްޓީ އޭރިއާ ތެރެއިން ޑައިކްސް ފޮނުވާލި ހަމަލާ، ގޯލު ލައިން މަތިން އިންގްލެންޑް ޑިފެންޑަރު ރީސް ޖޭމްސް ވަނީ ދިފާއުކޮށްފައި.
'55 - އިންގްލެންޑަށް ފުރުސަތެއް. ކޭންއަށް ދިން ބޯޅައަކުން ޕެނަލްޓީ އޭރިއާ ބޭރުން ރީސް ޖޭންސް ފޮނުވާލި ހަމަލާ، ގޯލާ އަމާޒުވެފައެއް ނުވޭ.
'48 - އިންގްލެންޑަށް ފުރުސަތެއް. ޕެނަލްޓީ އޭރިއާ ބޭރުން މޭސަން މައުންޓް ފޮނުވާލި ބާރު ހަމަލާ، ސްކޮޓްލެންޑްގެ ކީޕަރު މާޝަލް ވަނީ މަތަކޮށްފައި.
'46 - ޕެނަލްޓީ އޭރިއާ ތެރެއިން ލޫކް ޝޯ ދިން ބޯޅަ ކޭންއަށް ލިބުމުގެ ކުރިން ސްކޮޓްލެންޑް ޑިފެންޑަރު ޓީއާނީ ދިފާއުކޮށްފި.
މެޗުގެ ދެވަނަ ހާފުގެ ކުޅުން ފަށައިފި.
މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.
'44 - ޕެނަލްޓީ އޭރިއާ ބޭރުން އެޑަމްސް ފޮނުވާލި ހަމަލާ، އިންގްލެންޑް ޑިފެންޑަރު މިންގްސް ފައިގައި ޖެހި ކޯނަަރަކަށް ބޭރުވެއްޖެ.
'34 - މައުންޓް ދިން ރީތި ބޯޅަ، ސްކޮޓްލެންޑް ޕެނަލްޓީ އޭރިއާ ތެރެއިން ސްޓާލިންއަށް ރަނގަޅަށް ކޮންޓްރޯލް ކުރެވޭ ގޮތެއް ނުވި.
'30 - ޕިކްފޯޑްގެ މޮޅު ސޭވްއެއް. ރޮބާޓްސަން ދިން ބޯޅައަކުން ޕެނަލްޓީ އޭރިއާ ތެރެއިން އިންގްލެންޑް ގޯލުގެ ތިރީ ކަނަކަށް އަމާޒުކޮށް އޯ ޑޮނެލް ފޮނުވާލި ހަމަލާ، ކީޕަރު ޕިކްޕޯޑް ވަނީ ހުޝިޔާރުކަމާއެކު މަތަކޮށްފައި.
'22 - ޓިއާނީ ދުރުން ފޮނުވާލި ހަމަލާ، އިންގްލެންޑްގެ ގޯލާ އަމާޒެއް ނުވި.
'13 - އިންގްލެންޑަށް އިތުރު ފުރުސަތެއް. ސްޓާލިން ދިން ބޯޅައަކުން ޕެނަލްޓީ އޭރިއާ ތެރެއިން މައުންޓް ފޮނުވާލި ހަމަލާ، ސްކޮޓްލަންޑުގެ ގޯލާ އަމާޒުވެފައެއް ނުވޭ.
'11 - އިންގްލެންޑަށް ފުރުސަތެއް. މައުންޓް ނަގައިދިން ކޯނަރަކުން ޕެނަލްޓީ އޭރިއާ ތެރެއިން ސްޓޯންސް ބޮލުން ފޮނުވާލި ހަމަލާ އަމާޒުވީ ސްކޮޓްލެންޑް ގޯލުގެ އަރިމަތީ ދަނޑިއަށް.
'7 - އިންގްލެންޑުގެ ހަމަލާއެއް. ހިލޭ ޖެހުމަކުން މައުންޓް ދިން ބޯޅައަކުން ޕެނަލްޓީ އޭރިއާ ތެރެއިން ރައިސް ފޮނުވާލި ހަމަލާ، ސްކޮޓްލެންޑްގެ ކީޕަރު މާޝަލް ވަނީ ފަސޭހަކަމާއެކު ހޯދާފައި.
'4 - ސްކޮޓްލެންޑަށް ފުރުސަތެއް. އޯ ޑެނެލް ދިން ބޯޅައަކުން ޕެނަލްޓީ އޭރިއާ ތެރެއިން އެޑަމްސް ފޮނުވާލި ހަމަލާ، އިންގްލެންޑް މިޑްފީލްޑަރު ޑެކްލެން ރައިސް ވަނީ ބްލޮކްކޮޮށްފައި.
މެޗުގެ ކުޅުން ފަށައިފި. ކިކްއޯފް ކުރީ ސްކޮޓްލެންޑުން.
ޔޫރޯ 2020 ގެ ގްރޫޕް ޑީގައި އިންގްލެންޑާއި ސްކޮޓްލޭންޑް ކުޅޭ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!
އިންގްލެންޑާއި ސްކޮޓްލޭންޑުގެ ވާދަވެރިކަމަކީ ފުޓުބޯޅައިގައި އެންމެ ޒަމާންވީ ވާދަވެރިކަން. ސްކޮޓްލޭންޑާއި އިންގްލެންޑް، 1872 ވަނަ އަހަރު ކުޅުނު އެކުވެރިކަމުގެ މެޗަކީ ދުނިޔޭގެ ތާރީހުގައި ފުރަތަމަ ފަހަރަށް ދެ ގައުމަކުން ކުޅުނު ބައިނަލްއަގުވާމީ ފުޓުބޯޅަ މެޗު.
ދެޓީމުގެ ކުރިމަތިލުންތަކުގެ ތަފާސްހިސާބަށް ބަލައިލާ އިރު، އިންގްލެންޑުން ވަނީ 48 މެޗެއްގައި ސްކޮޓްލޭންޑް ކައިރިން މޮޅުވެފައި. ސްކޮޓްލޭންޑް ވަނީ 42 މެޗުން މޮޅުވެފައި. 25 މެޗެއް ނިމުނީ އެއްވަރު ވެގެން. އިންގްލެންޑުން ޖުމުލަ 205 ގޯލު ސްކޮޓްލޭންޑް ކޮޅަށް ޖަހާފައިވާ އިރު، ސްކޮޓްލޭންޑުން ވަނީ އިންގްލެންޑް ކޮޅަށް 177 ގޯލު ޖަހައިފައި. އެންމެފަހުން ސްކޮޓްލޭންޑާއި އިންގްލެންޑް ކުރިމަތިލީ 2017 ވަނަ އަހަރު ޔޫރޯ ކޮލިފިކޭޝަންގައި. އެ މެޗު ނިމުނީ 2-2 އިން އެއްވަރު ވެގެން.
މިރޭގެ މެޗަށް ދެޓީމު ނުކުންނާނީ ވެމްބްލީ ސްޓޭޑިއަމްގައި.
