ޔޫރޯ 2020ގެ ގްރޫޕް ސީގައި ޔޫކްރެއިނާއި ނޯތު މެސަޑޯނިއާ ވާދަކުރާ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!

ދެޓީމުވެސް އޮތީ ގްރޫޕް ސްޓޭޖުގައި ކުޅުނު ފުރަތަމަ މެޗުން ބަލިވެފައި. ގަދަ 16 އަށް ދިއުމުގެ އުންމީދު ދެމެހެއްޓުމަށް ދެޓީމަށްވެސް މެޗުން ތިން ޕޮއިންޓް މުހިއްމު. މި ދެޓީމު ވާދަވެރި މުބާރާތްތަކުގައި ދެ ފަހަރަށް ކުޅެފައިވާ އިރު، ޔޫކްރެއިން ވަނީ ދެ މެޗުވެސް ކާމިޔާބު ކޮށްފައި. މިއީ ނޯތު މެސަޑޯނިއާގެ ތާރީހުގައި އެންމެ ފުރަތަމަ ބޮޑު މުބާރާތް.

މިއަދުގެ މެޗަށް ދެޓީމު ނުކުންނާނީ ބުޗަރެސްޓްގެ ނޭޝަނަލް އެރީނާގައި.

  • ނޯތު މެސަޑޯނިއާ - ގޯރަން ޕަންޑޭވް

ނޯތު މެސަޑޯނިއާގެ ކެޕްޓަން ގޯރަން ޕަންޑޭވްއަކީ އެޓީމުގެ މުހިއްމު ލީޑަރު. އެންމެފަހުން ނޯތު މެސަޑޯނިއާ ކުޅުނު ދެ މެޗުގައިވެސް އޭނާ ވަނީ ގޯލު ޖަހާފައި. އަދި ގައުމީ ޓީމަށް އެންމެ ފަހުން ކުޅުނު ހަތް މެޗުގައި ޕަންޑޭވް ވަނީ ހަތަރު ގޯލު ޖަހާފައި.

  • ޔޫކްރެއިން - ރޯމަން ޔަރަމްޗަކް

ޖެންޓަށް ކުޅެމުން އަންނަ ފޯވަޑް ޔަރްމުޗަކީ ޔޫކްރެއިންގެ މުހިއްމު ކުޅުންތެރިއެއް. ކޮލިފައިންގައިވެސް އޭނާގެ ގޯލުތައް ފެނުނު. އެންމެފަހުން ގައުމީ ޓީމަށް ކުޅުނު ހަތަރު މެޗުގައި ތިން ގޯލު ޖަހާފައިވޭ.