ޔޫރޯ 2020 ގެ ގްރޫޕް އެފްގެ ފުރަތަމަ މެޗުގެ ލައިވް ކަވަރޭޖަށް "ވަން" ގެ ކިޔުންތެރިންނަށް މަރުހަބާ!

އެންމެފަހުގެ ޗެމްޕިއަން ޕޯޗުގަލްއިން ޔޫރޯގެ ތަށި ދިފާއުކުރުގެ ދަތުރުގެ ފުރަތަމަ މެޗަށް ނުކުންނާނީ ހަންގޭރީއާ ދެކޮޅަށް. ހަންގޭރީގެ ފްރޭންކް ޕުސްކާސް އެރީނާގައި ކުޅުމަށް ތައްޔާރުވެފައިވާ މެޗު ވެގެންދާނީ މިފަހަރުގެ ޔޫރޯގައި ފުލް ސްޓޭޑިއަމްއެއްގައި ކުޅޭ ފުރަތަމަ މެޗަށް. ޕުސްކާސް އެރީނާއަށް 38,652 ސަޕޯޓަރުން ވައްދާނެ ކަމަށް އެގައުމުން ވަނީ ޔަގީންކަން ދީފައި.

  • ބުޑަޕެސްޓް އަދި ޕުސްކާސް އެރީނާގެ ބައެއް މުހިއްމު މައުލޫމާތު

ސިޓީ: ބުޑަޕެސްޓް

ސްޓޭޑިއަމް: ޕުސްކާސް އެރިނާ

ސަޕޯޓަރުންގެ ޖާގަ: 67،215 މީހުން

އުސޫލުތަކާއެކު ސަޕޯޓަރުން ވެއްދޭނެ ކަމަށް ބުނެފައިވާ އަދަދު: 67،215 މީހުން (ފުލް ސްޓޭޑިއަމް)

ބުޑަޕެސްޓް

- ހަންގޭރީގެ ވެރިރަށް

- 80 ޖިއޯ ތާމަލް ސްޕްރިންގްގެ އިތުރުން ދުނިޔޭގެ އެންމެ ބޮޑު ތާމަލް ވޯޓާ ކޭވް ސިސްޓަމް ހިމެނޭ ސިޓީ

- ބުޑަޕެސްޓްގެ ތާރީހީ ދާރުލް އާސާރުތަކަށް ގިނަ ބަޔަކު ނަޒަރު ހުއްޓޭ

ޕުސްކާސް އެރީނާ

- އެގައުމުގެ ފުޓުބޯޅަ ތާރިޚު ދުށް އެންމެ މޮޅު ކުޅުންތެރިޔާ ފްރޭންކް ޕުސްކާސްގެ ނަމުން ނަން ދީފައިވާ ސްޓޭޑިއަމެއް

- ހަންގޭރީ ގައުމީ ޓީމުގެ ހޯމް ސްޓޭޑިއަމް

- އިންގްލެންޑްގެ އެންމެ ބޮޑު ބަލިވި ސްޓޭޑިއަމް، 1954 ހަންގޭރީ އަތުން އިންގްލެންޑް ބަލިވީ 7-1 އިން

ހަންގޭރީން އެންމެފަހުގެ ޗެމްޕިއަން ޕޯޗުގަލްއާ ދެކޮޅަށް ނުކުންނައިރު، ތާރީހު އޮތީ ޕޯޗުގަލް އަތުގައި. މިހާތަނަށް ޕޯޗުގަލްއާ ދެކޮޅަށް ހަންގޭރީން 13 މެޗެއްް ކުޅެފައި އެބައޮތް. އޭގެ ތެރެއިން ނުވަ މެޗުން ޕޯޗުގަލް މޮޅުވެފައި އޮތްއިރު، އަނެއް ހަތަރު މެޗު ނިމުނީ އެއްވަރު ވެގެން. ޕޯޗުގަލްއަކީ މުބާރާތުގެ ފެވަރިޓެއް. ތަރިންގެ ޓީމެއް. ހާއްސަކޮށް ޔޫރަޕްގެ އެންމެ ނުފޫޒު ގަދަ ލީގުތަކަށް ގެންދާ އެންމެ ހުނަރުވެރި ޒުވާން ކުޅުންތެރިން ނިސްބަތްވަނީ ޕޯޗުގަލްއަށް.