މައްޗަންގޯޅީ ގެއެއްގެ ތެރޭގައި ޒުވާނަކަށް ތޫނު އެއްޗަކުން ހަމަލާދީ ޒަހަމްކޮށްލައިފިއެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ، މައްޗަންގޯޅި ގެއެއްގެ ތެރޭގައި 19 އަހަރުގެ ޒުވާނަކަށް ތޫނު އެއްޗަކުން ހަމަލަދީފައިވާ ކަމުގެ މައުލޫމާތެއް މިއަދު ހެނދުނު 11:04 ގައި ލިބިފައިވާ ކަމަށެވެ.

ހަމަލާގައި ޒަހަމްވި ޒުވާނާއަށް އައިޖީއެމްއެޗުގައި ފަރުވާ ދެމުންދާ ކަމަށްވެސް ފުލުހުން ބުންޏެވެ.

ނަމަވެސް އައިޖީއެމްއެޗުގެ މީޑިއާ އޮފިޝަލު މިވަގުތު ފޯނަށް ޖަވާބު ނުދެއްވާތީ އެ ޒުވާނާއަށް ލިބުނު އަނިޔާގެ ތަފުސީލެއް އަދި ނުލިބެ އެވެ.