އަޔަލެންޑުން އުފައްދާ ކޮވިޑް ވެކްސިން އަންނަ މަހު ފަހުކޮޅު ބޭނުން ކުރަން ފަށަން ނިންމައިފިއެވެ.

އަޔަލެންޑްގެ ޕެފިޒާގެ މެނޭޖިން ޑިރެކްޓަރު ޕައުލް ރެލްޑް އެގައުމުގެ ނޫސްތަކަށް މައުލޫމާތުދެއްވަމުން ވަނީ އެކުންފުނިން އުފައްދަމުންދާ ކޮވިޑް ވެކްސިންގެ މަސައްކަތް ނިމި ހުއްދަ ލިބޭ އިރު ވެކްސިންގެ ފުރަތަމަ ބެޗް އަޔަލެންޑްގެ ބޭނުމަށް ފޯރުކޮށްދޭނެކަމަށް ވިދާޅުވެފައެވެ.

ޕެފިޒާ އިން ވަނީ ވެކްސިންގެ 100 މިލިއަން ޑޯޒް ހުއްދަ ލިބުނުހާ އަވަހަށް އެމެރިކާގެ އިތުރުން ޔޫރަޕްގެ ގައުމުތަކަށް ވެސް ފޮނުވުމަށް ތައްޔާރަށް ހުރިކަމަށް ބުނެފައެވެ.

ވެކްސިން ގެ އެންމެ ފަހުގެ މަރުހަލާ އަށް ޕެފިޒާގެ ވެކްސިން ދީގެން މިހާރުވެސް 44000 މީހުން އަންނަނީ ތަހުލީލު ކުރަމުންނެވެ.