ޗައިނާއިން އުފެއްދި ކޮވިޑް ވެކްސިން ރެޖިސްޓާކޮށް ބޭނުންކުރަން ފަށައިފިއެވެ.

ކޮވިޑް ފުރަތަމަ ފެތުރެން ފެށި ޗައިނާގައި އުފެއްދި ވެކްސިން ފުރަތަމަ ބޭނުންކުރި މީހާގެ ހަށިގަނޑުން ވެކްސިންގެ މަސައްކަތް ރަނގަޅު ކަމަށް ވެކްސިން އުފެއްދި ޓީމުން ބުނެފައިވެއެވެ.

ވެކްސިން އުފެއްދި އެކްސްޕާޓުންގެ ޓީމުން ބުނީ ފުރަތަމަ މީހާގެ ހަށިގަނޑުގައި އިމިއުން އުފައްދާ މިންވަރު ރަނގަޅު ކަމަށެވެ.

ވެކްސިން އުފެއްދުމުގެ މަރުހަލާތަކުގެ ތެރެއިން ފުރަތަމަ ފޭސްގައި 96 މީހުން ބޭނުންކޮށްފައިވެއެވެ. އަދި ދެވަނަ ފޭސްގައި 224 މީހުން ބޭނުންކޮށްގެން ޓެސްޓު ކޮށްފައިވެއެވެ.

ޗައިނާގެ ވުހާން ސިޓީގައި މިދިޔަ އަހަރުގެ ޑިސެމްބަރު މަހުން ފެށިގެން ފެތުރި، ދުނިޔޭގެ އެކި ކަންކޮޅުތަކަށް ފެތުރިފައިވާ މި ބަލި މިހާތަނަށް 21.5 މިލިއަން މީހުންނަށް ޖެހިފައިވެއެވެ.