ސްޕެއިން އިން ރާއްޖެއަށް ކަނޑައަޅުއްވާ އޮނަރަރީ ކޮންސުލްގެ މަގާމަށް ހަމަޖެއްސި އިބްތިސާމް އިބްރާހިމް މުހައްމަދު ދީދީއަށް ފޮރިން މިނިސްޓަރު އަބްދުﷲ ޝާހިދު މަގާމުގެ ފަތްކޮޅު އަރުވައިފިއެވެ.

ފަތްކޮޅު އެރުވުމަށްފަހު އިބްތިސާމާ ބައްދަލުކުރައްވައި މިނިސްޓަރު ޝާހިދު ވަނީ އޭނާއަށް މަރުހަބާ ދަންނަވައިފައެވެ. ވިޔަފާރި އާއި އިންވެސްޓްމަންޓްގެ އިތުރުން ޓޫރިޒަމްގައި ދެ ގައުމުގެ ގުޅުން އިތުރަށް ވަރުގަދަ ވުމަށް އުންމީދު ކުރައްވާ ކަމަށް ވިދާޅުވިއެވެ.

އިބްތިޝާމްގެ ބައްޕަ، ސިމްޑީ އިބްރާހިމް މުހައްމަދު ދީދީއަކީ ރާއްޖޭގައި ހުންނަވާ، އައިސްލެންޑްގެ އޮނަރަރީ ކޮންސުލެވެ.