ކ. ތިލަފުށިން ފުރައިގެން ދަތުރުކުރި ލޭންޑިން ކްރާފްޓެއް ކ. ގާފަރު ކައިރިއަށް ދިޔަވެ އަޑިއަށް ދިޔުމުގެ ސަބަބުން ދެ މީހަކު ގެެއްލިއްޖެއެވެ.

ފުލުހުން ބުނީ އެހާދިސާގެ ރިޕޯޓު ލިބިފައިވަނީ މިއަދު ހެނދުނު 08:48 އެހައިކަންހާއިރު ކަމަށެވެ.

އުޅަނދު އަޑިއަށް ދިޔަވަގުތު އޭގައި ޖުމްލަ 10 މީހުން ތިބި ނަމަވެސް، އޭގެ ތެރެއިން 8 މީހަކު ވަނީ ސަލާމަތްކުރެވިފައިކަމަށް ފުލުހުން ބުންޏެވެ.

ނަމަވެސް، ބާކީ ތިބި ދެ މީހުން އަދިވެސް ފެނިފައި ނުވާތީ، އެ މީހުން ހޯދުމުގެ މަސައްކަތް ކުރަމުންދާކަމަށް ފުލުހުން ބުންޏެވެ.