މިއަހަރުގެ މިހާތަނަށް 923،984 ފަތުރުވެރިން ރާއްޖެއަށް

މިއަހަރުގެ މިހާތަނަށް 923،984 ފަތުރުވެރިން ރާއްޖެ ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީން ހާމަކޮށްފިއެވެ.

ޓޫރިޒަމް މިނިސްޓްރީން އިއްޔެ އާންމުކޮށްފައިވާ ތަފާސްހިސާބުތައް ދައްކާ ގޮތުގައި ބުދަ ދުވަހާ ހަމައަށް ރާއްޖެއަށް 923،984 ފަތުރުވެރިން ޒިޔާރަތް ކުރި އިރު، މިއީ މިދިޔަ އަހަރާ އަޅާބަލާއިރު، 4.0 އިންސައްތައިގެ ދަށްވުމެކެވެ.

މިދިޔަ އަހަރު ދުވާލަކަށް ގާތްގަނޑަކަށް 6،546 ފަތުރުވެރިން ޒިޔާރަތްކޮށްފައިވާ އިރު، މިއަހަރުގެ މިހާތަނަށް އެ އަދަދު އުޅެނީ 6،286 ގައެވެ.

ތަފާސް ހިސާބުތަކުން ދައްކާ ގޮތުގައި އެންމެ ގިނަ ފަތުރުވެރިން ޒިޔާރަތްކޮށްފައިވަނީ ވެލާނާ އިންޓަނޭޝަނަލް އެއާޕޯޓް މެދުވެރިކޮށެވެ.

އަދި އެންމެ ގިނަ ފަތުރުވެރިން ޒިޔާރަތްކޮށްފައިވަނީ ޗައިނާއިންނެވެ. އެގޮތުން ޗައިނާއިން 141،339 ފަތުރުވެރިން އައިސްފައިވާ އިރު ދެވަނަ އަދި ތިން ނަވައަށް އެންމެ ގިނަ ފަތުރުވެރިން އައިސްފައިވަނީ ރަޝިއާ އަދި އިނގިރޭސިވިލާތުންނެވެ.

ރާއްޖޭގައި މިވަގުތު 179 ރިސޯޓާއި، 16 ހޮޓެލްގެ އިތުރުން، 918 ގެސްޓްހައުސް އާއި، 171 ސަފާރީ އޮޕަރޭޓް ކުރަމުންދެއެވެ.