މި މަހުގެ 24 އަދި 25 ވަނަ ދުވަހަކީ ސަރުކާރު ބަންދު ދުވަސްތަކެއް ކަމަށް ކަނޑައަޅައިފިއެވެ.

ރައީސް އޮފީހުން މިއަދު ބުނީ މިމަހުގެ 24 އަދި 25 ސަރުކާރު ބަންދު ދުވަހެއްގެ ގޮތުގައި ހަމަޖެއްސީ އަލްހާ އީދުގެ ބަންދާ ގުޅިގެން އާއިލާއާއެކު ވީހާ ވެސް ގިނަދުވަސްތަކެއް އެކުގައި ހޭދަކުރުމަށް ފުރުސަތު ފަހިކޮށްދިނުމުގެ ގޮތުންނެވެ.

"މެދު ނުކެނޑޭ ގޮތަށް ބަންދު ދުވަސްތައް މުވައްޒަފުންނަށް ލިބޭގޮތަށް ހަަމަޖައްސަަވައި ދެއްވުމަށްޓަކައި ކަމުގައި ރައީސް ޑރ. މުހައްމަދު މުއިއްޒު ވިދާޅުވި،" ރައީސް އޮފީހުން ބުންޏެވެ.

އީދު ބަންދަށް ފަހު ސަރުކާރުގެ އޮފީސްތައް ހުޅުވޭނީ، މިހާރުވެސް ކަލަންޑަރުގައިވާ ގޮތަށް މެއި 31 ކަމަށް ރައީސް އޮފީހުން ބުންޏެވެ.

މިއަހަރުގެ ހައްޖު ދުވަހަކީ 26 ވާ އަންގާރަ ދުވަހެވެ. އަދި އީދު ދުވަހަކީ 27 ވާ ބުދަ ދުވަހެވެ.